Today Horoscope: ఈ రాశి వారికి ఆర్థిక విషయాల్లో సన్నిహితుల సహకారం లభిస్తుంది
ABN, Publish Date - Mar 11 , 2025 | 02:34 AM
నేడు(11-3-2025 - మంగళవారం) టెలివిజన్‌, క్రీడలు, ఆడిటింగ్‌, విద్యా సంస్థల వారికి ఆర్థికంగా ప్రోత్సాహకరంగా ఉంటుంది. దూరప్రాంతంలో ఉన్న...
నేడు (11-3-2025 - మంగళవారం) టెలివిజన్‌, క్రీడలు, ఆడిటింగ్‌, విద్యా సంస్థల వారికి ఆర్థికంగా ప్రోత్సాహకరంగా ఉంటుంది.
మేషం (మార్చి 21 - ఏప్రిల్‌ 20 మధ్య జన్మించిన వారు)
టెలివిజన్‌, క్రీడలు, ఆడిటింగ్‌, విద్యా సంస్థల వారికి ఆర్థికంగా ప్రోత్సాహకరంగా ఉంటుంది. దూరప్రాంతంలో ఉన్న ప్రియతముల నుంచి ఆందోళనకరమైన సమాచారం అందుకోవాల్సి రావచ్చు. చిన్నారుల వైఖరి కొంత ఆవేదన కలిగిస్తుంది. సుబ్రహ్మణ్య స్వామి ఆరాధన మేలు చేస్తుంది.
వృషభం (ఏప్రిల్‌ 21 - మే 20 మధ్య జన్మించిన వారు)
రియల్‌ ఎస్టేట్‌, నిర్మాణ రంగాల వారు పెట్టుబడులను సమీక్షించుకుంటారు. సమావేశాలకు ఏర్పాట్లు చేస్తారు. బదిలీలు, మార్పులు కొంత అసౌకర్యం కలిగించే అవకాశం ఉంది. ఆర్థిక విషయాల్లో కుటుంబ సభ్యుల వ్యవహారశైలి ఆవేదన కలిగిస్తుంది. ఆంజనేయ స్వామిని ఆరాధించండి.
మిథునం (మే 21-జూన్‌ 21 మధ్య జన్మించిన వారు)
మార్కెటింగ్‌, రవాణా, బోధన, కమ్యూనికేషన్‌ రంగాల వారికి ప్రోత్సాహకరంగా ఉంటుంది. ఇంటర్వ్యూలలో లక్ష్య సాధనకు అధికంగా శ్రమించాలి. విద్యార్థులు అశ్రద్ధ కారణంగా సరైన ఫలితాలు అందుకోలేకపోతారు. ఉద్యోగ, వ్యాపారాల్లో పెద్దల నుంచి మాటపడాల్సి రావచ్చు. సుబ్రహ్మణ్య అష్టక పారాయణ శుభప్రదం.
కర్కాటకం (జూన్‌ 22 - జూలై 23 మధ్య జన్మించిన వారు)
విదేశీ ప్రయాణాలు, పైచదువులకు అవసరమైన నిధులు సర్దుబాటు అవుతాయి. బ్యాంకులు, ఆర్థిక సంస్థల వారికి కొంత నిరుత్సాహకరంగా ఉంటుంది. ఆర్థిక విషయాల్లో మీ వ్యూహాలు ఫలించకపోవచ్చు. సుబ్రహ్మణయ అష్టోత్తర శతనామా పారాయణ శుభప్రదం.
సింహం ( జూలై 24 - ఆగస్టు 23 మధ్య జన్మించిన వారు)
మూచ్యువల్‌ ఫండ్స్‌, పొదుపు పథకాలపై మంచి ప్రతిఫలాలు అందుకుంటారు. ఆర్థిక విషయాల్లో కొత్త పథకాల అమలును వాయిదా వేయడం మంచిది. ఖర్చులు అంచనాలు మించిపోతాయి. పన్నుల వ్యవహారాల్లో అనుకోని చిక్కులు ఎదురయ్యే అవకాశం ఉంది. లక్ష్మీనరసింహ స్వామి స్తోత్ర పారాయణ శుభప్రదం.
కన్య (ఆగస్టు 24 - సెప్టెంబరు 23 మధ్య జన్మించిన వారు)
ఉన్నత విద్య, విదేశీ వ్యవహారాల్లో ప్రోత్సాహకరంగా ఉంటుంది. ఎగుమతులు, ఫొటోగ్రఫీ, టెక్స్‌టైల్స్‌, సినిమాలు, రాజకీయ రంగాల వారికి అనుకూల సమయం. సమావేశాల్లో అపవాదులు ఎదురవుతాయి. సుబ్రహ్మణ్య అష్టక పారాయణ శుభప్రదం.
తుల (సెప్టెంబరు 24 - అక్టోబరు 23 మధ్య జన్మించిన వారు)
ఉద్యోగ, వ్యాపారాల్లో ఆర్థికంగా అదనపు ప్రయోజనాలు సాధిస్తారు. ఆర్థిక విషయాల్లో సన్నిహితుల సహకారం లభిస్తుంది. సమావేశాలు ఫలిస్తాయి. విందు వినోదాలు, వేడుకలకు ఖర్చులు అంచనాలు మించుతాయి. ఆంజనేయ స్వామి ఆరాధన శుభప్రదం.
వృశ్చికం (అక్టోబరు 24 - నవంబరు 22 మధ్య జన్మించిన వారు)
టెలివిజన్‌, విద్య, ఆడిటింగ్‌, ప్రకటనల రంగాల వారికి వృత్తి పరంగా పోత్సాహకరంగా ఉంటుంది. ఉద్యోగ, వ్యాపారాల్లో మీ ప్రతిభకు తగిన గుర్తింపు లభించకపోవడంతో నిరుత్సాహానికి గురవుతారు. చిన్నారుల వైఖరి మనస్తాపం కలిగిస్తుంది. హనుమాన్‌ చాలీసా పారాయణ శుభప్రదం.
ధనుస్సు (నవంబరు 23 - డిసెంబరు 21 మధ్య జన్మించిన వారు)
ఉన్నత విద్య కోసం చేసే ప్రయత్నాలు ఫలిస్తాయి. సమావేశాలు, ప్రయాణాల్లో కొంత అసౌకర్యం కలిగే అవకాశం ఉంది. న్యాయపరమైన చిక్కులు ఎదురయ్యే అవకాశం ఉంది. బృందకార్యక్రమాల్లో అనుకోని అవాంతరాలు ఎదురవుతాయి. ఆంజనేయ స్వామి ఆలయాన్ని దర్శించండి.
మకరం (డిసెంబరు 22-జనవరి 20 మధ్య జన్మించిన వారు)
పన్నులు, పెట్టుబడులకు సంబంధించిన చర్చల్లో ఆచితూచి వ్యవహరించాలి. విలువైన పత్రాలు కోల్పోయే ప్రమాదం ఉంది. సన్నిహితుల ఆరోగ్యం పట్ల శ్రద్ధ చూపించాలి. వైద్య కోసం ఖర్చలు అధికం. సుబ్రహ్మణ్య అష్టక పారాయణం శుభప్రదం.
కుంభం (జనవరి 21 నుంచి ఫిబ్రవరి 19 మధ్య జన్మించిన వారు)
వేడుకల్లో పాల్గొంటారు. విలువైన వస్తువులు కొనుగోలు చేస్తారు. ఆర్థిక విషయాల్లో శ్రీవారు, శ్రీమతి వైఖరి ఆవేదన కలిగిస్తుంది. పెట్టుబడుల విషయంలో కీలక నిర్ణయాలకు ఈ రోజు అనుకూలం కాదు. ఖర్చులు అదుపులో ఉంచుకోవాలి.
మీనం(ఫిబ్రవరి 20 - మార్చి 20 మధ్య జన్మించిన వారు)
ఉద్యోగ వ్యాపారాల్లో సన్నిహితుల సహకారంలతో లక్ష్యాలు సాధిస్తారు. వ్యవసాయం, పరిశ్రమల రంగాల వారు ఆర్థిక విషయాల్లో ఆచితూచి వ్యవహరించాలి. విందు వినోదాలు కోసం ఖర్చులు అంచనాల మించిపోతాయి.
శ్రీ బిజుమళ్ల బిందుమాధవ శర్మ సిద్ధాంతి
Updated Date - Mar 11 , 2025 | 02:34 AM
