బెల్లం వినాయకుడు.. విశేషాలేంటో తెలుసా?

బెల్లం వినాయకుడు .. గణపయ్యకు ఈ పేరు కూడా అంటారా?. విశాఖ వాసులను అడిగితే అవుననే అంటారు. అన్ని విగ్రహాలు ఒకలా ఉంటే బెల్లం వినాయకుడు మాత్రం ప్రత్యేకంగా ఉంటారు.

విశాఖపట్నం కొత్త జాలరి పేటలో వెలసిన ఈ బెల్లం వినాయకుడి విశిష్టమైన చరిత్ర ఉంది. ఈ వినాయకుడి విగ్రహాన్ని స్వయంగా చంద్రుడు ప్రతిష్టించాడని చెబుతారు. ఈ విగ్రహం అన్ని రూపాలకన్నా బిన్నంగా ఉంటుంది. స్వామివారి తొండం ఇక్కడ కుడివైపు తిరిగి ఉంటుంది. స్వామిని దర్శించుకుంటే ఆనందాన్నిస్తాడని అంతా ఆనంద గణపతి  అని పిలుస్తారు.

ఈ గణనాథుడు కేరళ తరహాలో తాంత్రిక పూజలందుకుంటాడని పూజారులు చెబుతున్నారు. ఆనంద గణపతి పక్కనే రామలింగేశ్వర స్వామి విగ్రహం ఉంటుంది. వినాయక నవరాత్రుల్లోనే కాదు, ప్రతి బుధవారం ఈ పార్వతి తనయుడికి స్థానికులు బెల్లం సమర్పిస్తారు. అందుకే దేవాలయం చుట్టూ బెల్లం అమ్మే వర్తకులు ఉంటారు. ఉదయం ఆరు నుంచి పదకొండున్నర వరకు మళ్లీ సాయంత్రం ఐదు నుంచి రాత్రి 8 గంటల వరకు స్వామిని దర్శించుకుంటారు. 

Powered by

00:00

The video is not available or it's processing - Please check back later.

Copy