Perni Nani: ఏపీకి కాపు నేత సీఎం అయితే తప్పేంటి?
ABN, First Publish Date - 2022-12-27T18:35:51+05:30
మాజీమంత్రి పేర్నినాని (Perni Nani) కీలక వ్యాఖ్యలు చేశారు. మంగళవారం ఆయన మీడియాతో మాట్లాడుతూ ఏపీకి కాపు నేత సీఎం అయితే తప్పేంటి? అని ప్రశ్నించారు.
అమరావతి: మాజీమంత్రి పేర్నినాని (Perni Nani) కీలక వ్యాఖ్యలు చేశారు. మంగళవారం ఆయన మీడియాతో మాట్లాడుతూ ఏపీకి కాపు నేత సీఎం అయితే తప్పేంటి? అని ప్రశ్నించారు. సమాజాన్ని చైతన్యపరిచే వ్యక్తి వస్తే.. ఏపీకి కాపు నేత సీఎం కావొచ్చన్నారు. మాజీ ఎంపీ హరిరామ జోగయ్య (Harirama Jogaiah) దీక్షను స్వాగతిస్తున్నామని పేర్నినాని ప్రకటించారు. కాపులకు ఆమోదయోగ్యమైన ప్రభుత్వ ఉత్తర్వును డిసెంబరు నెలాఖరులోగా ఇవ్వకుంటే జనవరి 2 నుంచి నిరవధిక నిరాహార దీక్ష చేస్తానని ప్రభుత్వాన్ని హరిరామ జోగయ్య హెచ్చరించిన విషయం తెలిసిందే. ఈ మేరకు సీఎం జగన్‌ (CM Jagan) కు రాసిన లేఖ (letter) కూడా రాశారు. కాపులపై సీఎంకు ఏమాత్రం ప్రేమ లేదని, కాపులు ఆర్థికంగా ఎదగడం ఆయనకు ఇష్టం లేదని విమర్శించారు. కేంద్రం అగ్రవర్ణాల పేదలకు 10 శాతం రిజర్వేషన్లు కల్పించగా అందులో 5 శాతం కాపులకు ఇవ్వడానికి మాజీసీఎం చంద్రబాబు (Chandrababu) హయాంలో ప్రయత్నించారని గుర్తుచేశారు. బిల్లు గవర్నర్‌ (Governor) ఆమోదం పొందే సమయానికి జగన్‌ అధికారంలోకి రావడంతో కాపులకు 5 శాతం రిజర్వేషన్లు దక్కలేదని తెలిపారు. మూడేళ్లలో జగన్‌ కాపులకు అన్యాయం చేశారని దుయ్యబట్టారు. ఈనెల 31లోపు సర్కారు స్పందించకుంటే తాను నిరవధిక నిరాహార దీక్ష చేపడతానని జోగయ్య స్పష్టం చేశారు.
Updated Date - 2022-12-27T18:35:53+05:30 IST