Bandi Sanjay: పాకిస్థాన్ వ్యాఖ్యలపై కేసీఆర్ స్పందించాలి...లేదంటే
ABN, First Publish Date - 2022-12-17T14:22:47+05:30
ప్రధాని మోదీపై పాకిస్తాన్ చేసి‌న వ్యాఖ్యలపై సీఎం కేసీఆర్ స్పందించాలని బీజేపీ రాష్ట్ర అధ్యక్షులు బండి సంజయ్ డిమాండ్ చేశారు.
హైదరాబాద్: ప్రధాని మోదీపై పాకిస్తాన్ చేసి‌న వ్యాఖ్యలపై సీఎం కేసీఆర్ (Telangana CM KCR) స్పందించాలని బీజేపీ రాష్ట్ర అధ్యక్షులు బండి సంజయ్ (BJP Leader Bandi Sanjay) డిమాండ్ చేశారు. పాకిస్థాన్ వ్యాఖ్యలకు నిరసనగా బషీర్ బాగ్ బాబు జగజ్జీవన్ రామ్ విగ్రహం నుంచి ట్యాంక్ బండ్ అంబేడ్కర్‌ వరకు ర్యాలీ నిర్వహించారు. ఈ సందర్భంగా బండి సంజయ్ మీడియాతో మాట్లాడుతూ... ఆ వ్యాఖ్యలపై స్పందించకుంటే సీఎం కేసీఆర్ పాకిస్తాన్‌కు సహరిస్తున్నట్లే అని అన్నారు. ఎంఐఎంను బాధ పెట్టడం ఇష్టంలేకనే సీఎం కేసీఆర్ మౌనంగా ఉన్నారని విమర్శించారు. దేశాన్ని దోచుకున్నా.. బాంబు దాడులు జరిగినా కేసీఆర్ లాంటి నేతలకు పట్టదన్నారు. ఫాల్త్ రాజకీయ నేతలు, ఫాల్డ్ పార్టీలు ఉండటం భారతదేశ దౌర్భాగ్యమని అన్నారు. ఒక వర్గం ఓట్లు కోసం సీఎం కేసీఆర్ ఎంఎంఐతో అంటకాగుతున్నారని బండి సంజయ్ ఆరోపించారు.
Updated Date - 2022-12-17T14:22:48+05:30 IST