Rajagopal Vs Kavita: నిజం నిప్పు లాంటిది చెల్లెమ్మా.. కవితకు రాజగోపాల్ కౌంటర్
ABN, First Publish Date - 2022-12-21T15:45:10+05:30
టీఆర్‌ఎస్ ఎమ్మెల్సీ కవిత ట్వీట్‌కు బీజేపీ నేత కోమటిరెడ్డి రాజగోపాల్ రెడ్డి కౌంటర్ ఇచ్చారు.
హైదరాబాద్: టీఆర్‌ఎస్ ఎమ్మెల్సీ కవిత (TRS MLC Kavita) ట్వీట్‌కు బీజేపీ నేత కోమటిరెడ్డి రాజగోపాల్ రెడ్డి (Komatireddy Rajagopal Reddy) కౌంటర్ ఇచ్చారు. నిజం నిప్పు లాంటిది చెల్లెమ్మా అంటూ రీ ట్వీట్ చేశారు. ‘‘నీవు లిక్కర్ స్కాం లో ఉన్నది నిజం.. జైలుకు వెళ్లడం ఖాయం. నిన్ను మీ నాయన, అన్నా ఎవరూ కాపాడలేరు. మునుగోడు ఉప ఎన్నికల్లో నన్ను నేరుగా ఎదుర్కోలేక పారదర్శకంగా వచ్చిన కోల్‌మైన్‌పై విష ప్రచారం చేశారు. నా వ్యక్తిత్వాన్ని కించపరిచేలా ప్రచారం చేశారు. రాబోయే రోజుల్లో మీ కుటుంబం సభ్యులు అంతా జైలుకు వెళ్లడం ఖాయం’’ అంటూ రాజగోపాల్ రెడ్డి ట్వీట్ చేశారు.
కాగా...లిక్కర్ క్వీన్ పేరు చార్జి‌షీట్‌లో 28 సార్లు ఉందంటూ రాజగోపాల్ చేసిన ట్వీట్‌పై ఈరోజు ఉదయం కవిత ట్విట్టర్ వేదిక స్పందించిన విషయం తెలిసిందే. ‘‘రాజగోపాల్ అన్న .. తొందరపడకు... మాట జారకు. 28 సార్లు నా పేరు చెప్పించినా...28 వేల సార్లు నా పేరు చెప్పించినా అబద్ధం నిజం కాదు’’ అంటూ కవిత ట్వీట్ చేశారు.
Updated Date - 2022-12-21T15:45:11+05:30 IST