Etala Rajender: టీఆర్ఎస్, కాంగ్రెస్ నుంచి బీజేపీలో చేరే నేతల పేర్లను పార్టీ పెద్దలకు అందజేశాం
ABN, First Publish Date - 2022-12-28T23:17:01+05:30
టీఆర్ఎస్ (TRS), కాంగ్రెస్ (CONGRESS) నుంచి బీజేపీలో చేరటానికి సిద్ధంగా ఉన్న నేతల వివరాలను జాతీయ పార్టీకి అందజేశామని బీజేపీ చేరికల కమిటీ కన్వీనర్, ఎమ్మెల్యే ఈటల రాజేందర్ (Etala Rajender) తెలిపారు.
హైదరాబాద్: టీఆర్ఎస్ (TRS), కాంగ్రెస్ (CONGRESS) నుంచి బీజేపీలో చేరటానికి సిద్ధంగా ఉన్న నేతల వివరాలను జాతీయ పార్టీకి అందజేశామని బీజేపీ చేరికల కమిటీ కన్వీనర్, ఎమ్మెల్యే ఈటల రాజేందర్ (Etala Rajender) తెలిపారు. బీజేపీలో చేరికల ప్రళయం జరగబోతోందని, సర్పంచ్‌లు మొదలు.. స్థానిక సంస్థల ప్రజాప్రతినిధులు వేల సంఖ్యలో బీజేపీలో చేరటానికి సిద్దంగా ఉన్నారని ఈటల చెప్పారు. ప్రభుత్వం నుంచి రావాల్సిన బిల్లులు కోసం కొందరు నేతలు ఎదురు చూస్తున్నారని, కేసీఆర్ పాలనపై ప్రజలకే కాదు.. ప్రజాప్రతినిధులకు సైతం విరక్తి కలిగిందని ఈటల విమర్శించారు.
హైదరాబాద్‌లోని శామీర్ పేట్ (Shamirpet)లోని లియోనియా గార్డెన్స్‌లో బీజేపీ చేరికల కమిటీ సమావేశం ముగిసింది. సర్వేల ఆధారంగానే టికెట్లు కేటాయించాలని నిర్ణయించినట్లు బీజేపీ తెలిపింది. పార్టీలో చేరికలపై దూకుడు పెంచాలని నేతలకు బీజేపీ పెద్దలు ఆదేశాలు ఇచ్చారు. మెదటగా బలమైన అభ్యర్థులు లేని నియోజకవర్గాలపై కమలం పార్టీ దృష్టి సారించనుంది. బలమైన అభ్యర్థులు కాషాయ కండువా కప్పుకుంటే టికెట్‌పై హామీ ఇవ్వాలని నిర్ణయించింది. ఆయా నియోజకవర్గాల్లోని ఆశావాహులను శాంతపరిచి బలమైన అభ్యర్థులను చేర్చుకోవాలని సమావేశంలో నిర్ణయించారు. చేరికలపై పార్టీలోని ఇతర నేతలకు అభ్యంతరాలున్నా ఆగొద్దని జాతీయ నాయకత్వం నేతలకు ఆదేశాలు ఇచ్చింది. బీజేపీలో చేరటానికి సిద్ధంగా ఉన్న నేతలను నేరుగా ఢిల్లీకి తీసుకురావాలని బీజేపీ పెద్దలు ఆదేశాలు ఇచ్చారు.
Updated Date - 2022-12-28T23:17:39+05:30 IST