Kanna Lakshminarayana: టీడీపీ నేతలకు కన్నా ఆత్మీయ విందు
ABN, First Publish Date - 2023-03-26T21:00:47+05:30
టీడీపీలో చేరిన మాజీ మంత్రి కన్నా లక్ష్మీనారాయణ (Kanna Lakshminarayana) ఆదివారం ఉమ్మడి జిల్లా టీడీపీ (TDP) నేతలకు తన నివాసంలో లంచ్‌ ఏర్పాటు చేశారు.
గుంటూరు: టీడీపీలో చేరిన మాజీ మంత్రి కన్నా లక్ష్మీనారాయణ (Kanna Lakshminarayana) ఆదివారం ఉమ్మడి జిల్లా టీడీపీ (TDP) నేతలకు తన నివాసంలో లంచ్‌ ఏర్పాటు చేశారు. ఆయా నియోజకవర్గాలకు ఇన్‌ఛార్జ్‌లుగా వ్యవహరిస్తున్న ప్రతి ఒక్కరిని ఆయన ఫోన్‌ చేసి ఈ విందుకు ఆహ్వానించారు. ఈ విందులో మాజీ మంత్రులు ప్రత్తిపాటి పుల్లారావు (Prattipati Pullarao), ఆలపాటి రాజేంద్రప్రసాద్‌, నక్కా ఆనందబాబు, మాజీ ఎమ్మెల్యేలు యరపతినేని శ్రీనివాసరావు, తెనాలి శ్రావణ్‌కుమార్‌, జీవీ ఆంజనేయులు, కొమ్మాలపాటి శ్రీధర్‌, ఎమ్మెల్సీ అశోక్‌బాబు, మాజీ ఎమ్మెల్సీ డాక్టర్‌ రాయపాటి శ్రీనివాస్‌తో పాటు వివిధ నియోజకవర్గ ఇన్‌ఛార్జ్‌లు పాల్గొన్నారు. ఒకరిద్దరు మాత్రం వేరే పనుల్లో ఉండటం మూలంగా హాజరు కాలేకపోయారు. మాజీ ఎంపీ రాయపాటి సాంబశివరావు స్వల్ప అస్వస్థత కారణంగా రాలేకపోతున్నట్లు కన్నాకు ఫోన్‌లో చెప్పారు. అదే విధంగా సంగండెయిరీ ఛైర్మన్‌, మాజీ ఎమ్మెల్యే ధూళిపాళ్ళ నరేంద్ర బావ గుండెపోటుతో మరణించటంతో రాలేకపోతున్నట్లు కన్నాకు తెలియజేశారు. విందుకు హాజరైన నేతలు వచ్చే ఎన్నికల్లో ఉమ్మడి జిల్లాలోని 17 అసెంబ్లీ స్థానాల్లోనూ, మూడు లోక్‌సభ స్థానాల్లోనూ పార్టీ అభ్యర్థులను గెలిపించుకునేందుకు కలిసి కట్టుగా పనిచేస్తామని వ్యాఖ్యానించారు.
Updated Date - 2023-03-26T21:00:47+05:30 IST