ధర్మవరంలో ఉద్రిక్త పరిస్థితుల నడుమ పరిటాల శ్రీరామ్, సునీత అరెస్ట్
ABN, First Publish Date - 2023-09-11T10:51:56+05:30
ధర్మవరంలో ఉద్రిక్త పరిస్థితుల నడుమ ఉదయం పరిటాల శ్రీరామ్‌ను హౌస్ అరెస్టు చేసేందుకు పోలీసులు వచ్చారు. అయితే వారి కళ్లు కప్పి గోడ దూకి ఎన్టీఆర్ విగ్రహం వద్దకు పరిటాల శ్రీరామ్ చేరుకున్నారు.
అనంతపురం : ధర్మవరంలో ఉద్రిక్త పరిస్థితుల నడుమ ఉదయం పరిటాల శ్రీరామ్‌ను హౌస్ అరెస్టు చేసేందుకు పోలీసులు వచ్చారు. అయితే వారి కళ్లు కప్పి గోడ దూకి ఎన్టీఆర్ విగ్రహం వద్దకు పరిటాల శ్రీరామ్ చేరుకున్నారు. ఈ క్రమంలోనే గాంధీనగర్ సర్కిల్‌కు భారీగా టీడీపీ నాయకులు చేరుకున్నారు. రోడ్డుపై బైఠాయించిన పరిటాల శ్రీరామ్‌ను పోలీసులు అడ్డుకున్నారు. ఈ క్రమంలోనే పోలీసులకు.. టీడీపీ నాయకులకు మధ్య తీవ్ర తోపులాటలు జరిగాయి. పలువురు కార్యకర్తలపై పోలీసులు లాఠీచార్జ్ చేశారు. పలువురికి గాయాలయ్యాయి. మహిళా కార్యకర్తలకు కూడా గాయాలయ్యాయి. టీడీపీ నాయకుల్ని ధర్మవరం పోలీస్ స్టేషన్‌కు తరలించారు. మరోవైపు పరిటాల సునీతను సైతం పోలీసులు అరెస్ట్ చేసి రామగిరి పోలీస్ స్టేషన్ కు తరలించారు.
Updated Date - 2023-09-11T10:51:56+05:30 IST