Allu Arjun: టీడీపీ నేత ఫాంహౌస్‌కు అల్లు అర్జున్.. ఎందుకెళ్లాడంటే..
ABN, First Publish Date - 2023-07-08T13:49:42+05:30
సినీ హీరో అల్లు అర్జున్‌కు టీడీపీ జిల్లా నాయకులు రాయలసీమ రుచులతో విందు ఇచ్చారు. టీడీపీ శింగనమల నియోజకవర్గ ద్విసభ్య కమిటీ సభ్యుడు ముంటిమడుగు కేశవరెడ్డి ఈ విందు ఏర్పాటు చేశారు.
అల్లు అర్జున్‌కు సీమ రుచుల విందు
గార్లదిన్నె: సినీ హీరో అల్లు అర్జున్‌కు అనంతపురం జిల్లా టీడీపీ నాయకులు రాయలసీమ రుచులతో విందు ఇచ్చారు. టీడీపీ శింగనమల నియోజకవర్గ ద్విసభ్య కమిటీ సభ్యుడు ముంటిమడుగు కేశవరెడ్డి ఈ విందు ఏర్పాటు చేశారు.
అల్లు అర్జున్ తన స్నేహితులతో కలిసి హైదరాబాద్‌ నుంచి బెంగళూరుకు శుక్రవారం కారులో వెళ్తూ.. గార్లదిన్నె మండలం కనుంపల్లి వద్దగల ముంటిమడుగు ఫామ్‌హౌస్‌కు వచ్చారు. కేశవరెడ్డి, ఆయన కుమారుడు రాహుల్‌రెడ్డి.. అల్లు అర్జున్‌కు స్వాగతం పలికారు.
రాయలసీమ వంటకాలతో భోజనం పెట్టారు. అల్లు అర్జున్ వచ్చిన విషయం తెలుసుకున్న ఫ్యాన్స్‌ పెద్దఎత్తున తరలిరావడంతో ఫామ్‌హౌస్‌ కిటకిటలాడింది.
ఆయనతో ఫొటోలు దిగేందుకు అభిమానులు ఎగబడ్డారు. అనంతరం అల్లు అర్జున్ బెంగళూరుకు వెళ్లారు.
Updated Date - 2023-07-08T14:17:52+05:30 IST