TDP: వైసీపీ దళిత మంత్రులపై వర్ల సీరియస్ కామెంట్స్
ABN, First Publish Date - 2023-04-22T18:40:31+05:30
వైసీపీ (YCP)లోని దళిత మంత్రులపై టీడీపీ (TDP) పొలిట్ బ్యూరో సభ్యుడు వర్ల రామయ్య (Varla Ramaiah) సీరియస్ కామెంట్లు చేశారు.
అమరావతి: వైసీపీ (YCP)లోని దళిత మంత్రులపై టీడీపీ (TDP) పొలిట్ బ్యూరో సభ్యుడు వర్ల రామయ్య (Varla Ramaiah) సీరియస్ కామెంట్లు చేశారు. వైసీపీ దళిత మంత్రులు జగన్ మోచేతి నీరు తాగుతున్నారని విమర్శించారు. వైసీపీ దళిత మంత్రులు బిస్కెట్ బ్యాచ్ అని ఎద్దేవా చేశారు. కుక్కకు బిస్కెట్లు వేసినట్టు వైసీపీలో దళితులకు బిస్కెట్లు వేస్తారని విమర్శించారు. వైసీపీలోని దళిత మంత్రులంతా చీరలు కట్టుకోవాలని ఎద్దేవా చేశారు. విదేశీ విద్యకు అంబేద్కర్ పేరు తీసి జగన్ పేరు పెట్టినప్పుడే వైసీపీలో దళితులు ఫినిష్ అయిందన్నారు. మంత్రిగా ఉండి చొక్కా విప్పి గంజాయి తాగిన వాడిలా సురేష్ వ్యవహరించారని వర్ల విమర్శించారు. ఐఆర్ఎస్ చేసిన సురేష్ బఫూన్ మాదిరి వ్యవహరించారని ఆయన విమర్శించారు. సజ్జల చెబితే చొక్కా విప్పడానికి సురేష్ కైనా సిగ్గుండాలిగా..? అని ప్రశ్నించారు. డిప్యూటీ సీఎం నారాయణ స్వామికి మతి స్థిమితం లేదని, నారాయణ స్వామికి సిగ్గు ఎగ్గు లేదని విమర్శించారు. ‘‘రెడ్లందరూ కూర్చొంటే దూరంగా చేతులు కట్టుకుని నిల్చొంటారా..?, జగన్ ఎంత మంది దళితులకు ఇన్నోవా కార్లు ఇచ్చారో మంత్రి మేరుగ సమాధానం చెప్పగలరా..?, అంబేద్కర్ పేరు విదేశీ విద్యకు తొలగిస్తే దళిత మంత్రులు కనీసం నోరెత్తలేదేందుకు?, దళిత యువకుడు.. డ్రైవర్ సుబ్రమణ్యాన్నిఎమ్మెల్సీ చంపేస్తే దళిత మంత్రులు ఎందుకు ప్రశ్నించలేదు? అని వర్ల ప్రశ్నించారు.
Updated Date - 2023-04-22T18:40:31+05:30 IST