Chandrababu Quash Petition : ఏపీ ప్రభుత్వ లాయర్‌కు సుప్రీం జడ్జి 3 ప్రశ్నలు.. దేనికీ సమాధానం నిల్..
ABN, First Publish Date - 2023-10-10T12:42:44+05:30
టీడీపీ అధినేత చంద్రబాబు క్వాష్‌ పిటిషన్‌పై సుప్రీంకోర్టులో విచారణ జరుగుతోంది. చంద్రబాబు తరపున లాయర్‌ హరీష్‌ సాల్వే వాదనలు వినిపిస్తుండగా.. ఏపీ ప్రభుత్వం తరపున ముకుల్ రోహత్గి వాదనలు వినిపిస్తున్నారు.
ఢిల్లీ : టీడీపీ అధినేత చంద్రబాబు క్వాష్‌ పిటిషన్‌పై సుప్రీంకోర్టులో విచారణ జరుగుతోంది. చంద్రబాబు తరపున లాయర్‌ హరీష్‌ సాల్వే వాదనలు వినిపిస్తుండగా.. ఏపీ ప్రభుత్వం తరపున ముకుల్ రోహత్గి వాదనలు వినిపిస్తున్నారు. వాదనలన్నీ 17 A చుట్టూనే తిరుగుతున్నాయి. కానీ ముకుల్‌పై జస్టిస్ బేలా త్రివేది ధర్మాసనం మూడు ప్రశ్నలను సంధించింది. ఆ మూడు ప్రశ్నలకూ ముకుల్ రోహత్గి సరైన సమాధానం చెప్పలేకపోపయారు.
17A నేరానికి వర్తిస్తుందా ? నిందితులకు వర్తిస్తుందా? అని జస్టిస్ బేలా త్రివేది ప్రశ్నించారు. 2018లో విచారణ ప్రారంభించినప్పుడు ఏమి కనిపెట్టారు ? అని ప్రశించారు. ‘అవినీతికి సంబంధించిన సెక్షన్ అమలు కాకపోతే మిగతా సెక్షన్స్ కింద ప్రత్యేక కోర్టు విచారించవచ్చా ?... మిగతా సెక్షన్ ల కింద పెట్టిన కేసులు చెల్లుతాయా ? లేదా ?’ అని జస్టిస్ బేలా త్రివేది ప్రశ్నించారు. ఈ ప్రశ్నల్లో వేటికీ కూడా ముకుల్ రోహిత్గి సరైన సమాధానం ఇవ్వకపోవడం గమనార్హం.
Updated Date - 2023-10-10T12:43:24+05:30 IST