AP News : టీటీడీ ఆలయాల వద్ద అన్యమత ప్రచారంపై భానుప్రకాష్ రెడ్డి ఫైర్..
ABN, First Publish Date - 2023-11-14T13:37:13+05:30
కార్తీక మొదటి సోమవారం రోజున అన్యమత ప్రచారం చేయడం చాలా దారుణమని బీజేపీ రాష్ట్ర అధికార ప్రతినిధి భానుప్రకాష్ రెడ్డి పేర్కొన్నారు. కార్వేటినగరం స్కంద పుష్కరిణిని పరిశీలించిన అనంతరం ఆయన మాట్లాడుతూ.. హిందూ దేవుళ్ళు, హిందూ మనోభావాలు దెబ్బతినే విధంగా అగౌరపరిచారన్నారు.
చిత్తూరు : కార్తీక మొదటి సోమవారం రోజున అన్యమత ప్రచారం చేయడం చాలా దారుణమని బీజేపీ రాష్ట్ర అధికార ప్రతినిధి భానుప్రకాష్ రెడ్డి పేర్కొన్నారు. కార్వేటినగరం స్కంద పుష్కరిణిని పరిశీలించిన అనంతరం ఆయన మాట్లాడుతూ.. హిందూ దేవుళ్ళు, హిందూ మనోభావాలు దెబ్బతినే విధంగా అగౌరపరిచారన్నారు. టీటీడీ దేవాలయ పరిధిలో అన్యమత ప్రచారం చేస్తే జీవో నెంబర్ 746,747, చట్ట ప్రకారం మూడు సంవత్సరాల జైలు శిక్ష ఐదు వేలు జరిమానా విధించాలని భానుప్రకాష్ రెడ్డి డిమాండ్ చేశారు. టీటీడీకి సంబంధించిన ఆలయాల వద్ద ఇలాంటి అన్యమత ప్రచారం చేస్తుంటే సిబ్బంది ఏం చేస్తున్నారని ఆగ్రహం వ్యక్తం చేశారు. స్కంద పుష్కరిణిలో అన్యమత ప్రచారం చేసిన వారిపై చర్యలు తీసుకోవాలన్నారు. భవిష్యత్తులో ఇలాంటివి పునరావతం కాకుండా చూడాలని డిమాండ్ చేశారు.
Updated Date - 2023-11-14T13:37:14+05:30 IST