Chandrababu Arrest : జగన్ ఆనందం కోసమే చంద్రబాబును అరెస్ట్ చేశారన్న గంటా
ABN, First Publish Date - 2023-09-09T08:50:34+05:30
మాజీ మంత్రి, త్తర ఎమ్మెల్యే గంటా శ్రీనివాసరావు, ఆయన కుమారుడు రవితేజని పోలీసులు అరెస్ట్ చేశారు. ఎండాడ వద్ద ఉన్న దిశా పోలీస్ స్టేషన్ లో గంటాను దిశా ఏసీపీ వివేకానంద అదుపులోకి తీసుకున్నారు.
విశాఖపట్నం : మాజీ మంత్రి, త్తర ఎమ్మెల్యే గంటా శ్రీనివాసరావు, ఆయన కుమారుడు రవితేజని పోలీసులు అరెస్ట్ చేశారు. ఎండాడ వద్ద ఉన్న దిశా పోలీస్ స్టేషన్ లో గంటాను దిశా ఏసీపీ వివేకానంద అదుపులోకి తీసుకున్నారు. ఈ సందర్భంగా గంటా మాట్లాడుతూ.. చంద్రబాబును అరెస్ట్ చేయడం దుర్మార్గమైన చర్య అని పేర్కొన్నారు. దేశరాజకీయాల్లో చంద్రబాబు కీలక పాత్ర పోషించారన్నారు. అర్థరాత్రి హైడ్రామా చేశారన్నారు. జగన్ మోహన్ రెడ్డి ఆనందం కోసం మాత్రమే చంద్రబాబును అరెస్ట్ చేశారన్నారు.
జగన్ మోహన్ రెడ్డి జైలుకు వెళ్ళారని అక్కసుతో, చంద్రబాబును అరెస్ట్ చేయించినట్టు ఉందని గంటా అన్నారు. జగన్ 16 నెలలు జైల్లో ఉన్నారని.. అతని లాగే అందర్నీ జైలుకు పంపించాలని ఉద్దేశంతోనే ఈ అక్రమ కేసులు పెట్టి అరెస్టు చేస్తున్నారన్నారు. ప్రజలు తగిన గుణపాఠం చెబుతారన్నారు. రాబోయే ఎన్నికల్లో జగన్ మోహన్ రెడ్డికి డిపాజిట్లు వచ్చే పరిస్థితి లేదని గంటా పేర్కొన్నారు. అమరావతి భూముల విషయంపై మొదటిసారి తన పేరు కూడా చేర్చారన్నారు. ఈ నేపథ్యంలో తాను ఎలాంటి విచారణకైనా సిద్ధంగా ఉన్నానని గంటా తెలిపారు.
Updated Date - 2023-09-09T08:54:31+05:30 IST