Konidala Nagababu: బ్రహ్మ రాక్షసుడితో పోరాటం చేస్తున్నాం
ABN, First Publish Date - 2023-08-04T17:08:59+05:30
రాష్ట్రం కోసం పోటీ చేయకుండా నిస్వార్థంగా మద్దతుగా నిలిచారు. సినీ రంగంలో చిరంజీవి, రాజకీయ రంగంలో పవన్ కళ్యాణ్‌‌ను కోట్ల మంది ఆరాధిస్తున్నారు. సీనియర్‌లు, యువత కలిసి కార్యక్రమాలు చేయండి. ఏది సాధించాలన్నా అది యువతోనే సాధ్యం. ప్రతిభ ఉన్న యువతను గుర్తించి ప్రాధాన్యత ఇచ్చి ప్రోత్సహించండి.
అమరావతి: ఏ పార్టీకి లేని యువత బలం జనసేనకు ఉందని ఆ పార్టీ సీనియర్ నేత నాగబాబు (Nagababu) అన్నారు. పార్టీ కార్యాలయంలో ఆయన మాట్లాడారు. ‘‘యూరప్, అబ్రాడ్‌లో కూడా జనసేన నాయకులు పని చేస్తున్నారు. పవన్ కళ్యాణ్ (Pawan Kalyan) వంటి వ్యక్తులు చాలా అరుదుగా ఉంటారు. సోషల్ మీడియా వేదికగా జనసేనకు మద్దతుగా ప్రచారం చేయాలని కోరాను. ప్రతి ఒక్కరూ మరో పది మందిలో మార్పు తేవాలని చెప్పాను. అక్కడ అందరూ జనసేనకు జై కొడుతున్నారు. ఒక రాజ్యం కోసం ఒక గ్రామం పోయినా పర్లేదు అన్న సూత్రం ప్రకారం భవిష్యత్తు తరాలను ప్రోత్సహించాలి. 2014లో జనం కోసం, రాష్ట్రం కోసం పోటీ చేయకుండా నిస్వార్థంగా మద్దతుగా నిలిచారు. సినీ రంగంలో చిరంజీవి, రాజకీయ రంగంలో పవన్ కళ్యాణ్‌‌ను కోట్ల మంది ఆరాధిస్తున్నారు. సీనియర్‌లు, యువత కలిసి కార్యక్రమాలు చేయండి. ఏది సాధించాలన్నా అది యువతోనే సాధ్యం. ప్రతిభ ఉన్న యువతను గుర్తించి ప్రాధాన్యత ఇచ్చి ప్రోత్సహించండి. కొంతమంది నాయకులు యువతను రానివ్వడం లేదని తెలిసింది... అది కరెక్ట్ కాదు. మనం ఒక బ్రహ్మ రాక్షసుడుతో పోరాటం చేస్తున్నాం. కాబట్టి అందరూ కలిసి అడుగులు వేస్తే ఓడించడం కష్టం కాదు. పవన్ కళ్యాణ్ ఆశయాలు, రాష్ట్రం కోసం పడే తపనను ప్రజలకు వివరించండి. గతంలో ఒక వ్యక్తి కోసం ఓటు వేశారు... తర్వాత తండ్రిని చూసి కొడుక్కి ఓటు వేశారు. ఇప్పుడు మీ పిల్లలు భవిష్యత్తు చూసి.. పవన్ కళ్యాణ్‌కి ఓటు వేయండి.’’ అని నాగబాబు పిలుపునిచ్చారు.
Updated Date - 2023-08-04T17:08:59+05:30 IST