టీడీపీ చైతన్య రథయాత్రకు ఘన స్వాగతం

రాజుపాలెం, జూలై 17 : మండల పరిధిలోని టంగుటూరు గ్రామంలో టీడీపీ మండల నాయకుడు ధనిరెడ్డి విశ్వనాథరెడ్డి ఆధ్వర్యంలో చైతన్య రథయాత్రలో భాగం గా ఆ పార్టీ నాయకులు మల్లెల లింగారెడ్డి, నంద్యాల వరదరాజులరెడ్డి, జీవీ ప్రవీణ్‌కుమార్‌రెడ్డి, సీఎం సురే్‌షనాయుడుకు ముందుగా పూలమాలలు వేసి డప్పువాయిద్యాలతో గ్రామశివార్ల నుంచి ఊరేగింపుగా సభా ప్రాంగణానికి తీసుకువచ్చారు. టీడీపీ కార్యకర్తలు అధిక సంఖ్యలో పాల్గొని ఉత్సాహంగా ఈ యాత్రను జయప్రదం చేశారు. టంగుటూరుకు చేరుకున్న చైతన్యరథయాత్ర టీడీపీ శ్రేణుల్లో ఉత్సాహం నింపింది. భవిష్యత్తులో టీడీపీకి పట్టం కట్టేందుకు కార్యకర ్తల ఉత్సాహం రెట్టింపు అయిందనడానికి ఈ కార్యక్రమం ఉదాహరణగా నిలిచింది. ఈ కార్యక్రమంలో మాజీ ఎంపీపీ మెట్టుపల్లి ప్రభాకర్‌రెడ్డి, ఎంపీటీసీ దస్తగిరి, మాజీ సర్పంచ్‌లు వెంగలాయపల్లె శ్రీనివాసులరెడ్డి, సర్పంచ్‌ కొరపాడు శ్రీనివాసులరెడ్డి, రామచంద్రారెడ్డి, వివిధ గ్రామాల టీడీపీ నాయకులు తదితరులు పాల్గొన్నారు.