Somuveerraju: ‘విశ్వవేదికపై భారతీయ సినిమాకి దక్కిన గొప్ప గౌరవం’
ABN, First Publish Date - 2023-03-13T09:55:05+05:30
‘‘ఆర్‌ఆర్‌ఆర్‌’’ సినిమాలోని ‘‘నాటు నాటు పాటకు ఆస్కార్ ఆవార్డు లభించడంపై బీజేపీ రాష్ట్ర అధ్యక్షులు సోమువీర్రాజు స్పందించారు.
అమరావతి: ‘‘ఆర్‌ఆర్‌ఆర్‌’’ (RRR) సినిమాలోని ‘‘నాటు నాటు పాటకు ఆస్కార్ ఆవార్డు (Oscar Award 2023) లభించడంపై బీజేపీ రాష్ట్ర అధ్యక్షులు సోమువీర్రాజు (BJP Leader Somuveerraju) స్పందించారు. తెలుగు సినిమాకు తొలి ఆస్కార్ అవార్డును అందించిన ఆర్‌ఆర్‌ఆర్‌ చిత్ర యూనిట్‌కు హృదయపూర్వక అభినందనలు తెలియజేశారు. ‘‘తెలుగు వెండి తెరకు పండుగ రోజుగా నా ఛాతి ఉప్పొంగుతోంది’’ అని అన్నారు. తెలుగు సినిమా స్థాయిని మరోసారి ప్రపంచానికి చాటి చెప్పిన ఈ సినిమాలోని ‘నాటు నాటు’ పాట.. ‘బెస్ట్ ఒరిజినల్ సాంగ్’ విభాగంలో ఆస్కార్ అందుకోవడం తెలుగువారందరికీ గర్వకారణమన్నారు. తెలుగు సంస్కృతి విశ్వవ్యాప్తం అయిందని పేర్కొన్నారు. తెలుగు వెండితెర ఇలాంటి మరిన్ని అద్భుతమైన చిత్రాలతో అంతర్జాతీయ ఖ్యాతిని అందుకోవాలని మనస్ఫూర్తిగా కోరుకున్నారు. విశ్వవేదికపై భారతీయ సినిమాకి దక్కిన గొప్ప గౌరవం అని సోమువీర్రాజు పేర్కొన్నారు.
Updated Date - 2023-03-13T09:55:05+05:30 IST