Chandrababu: పాంచాలి... పంచ భర్తృక డైలాగ్ చెప్పి చంద్రబాబును ఫిదా చేసిన బుడ్డోడు
ABN, First Publish Date - 2023-04-13T16:12:40+05:30
నిమ్మకూరులో ఎన్టీఆర్ (NTR) శతజయంతి ఉత్సవాలను టీడీపీ (TDP) అధ్యక్షుడు నారా చంద్రబాబునాయుడు (Chandrababu) ప్రారంభించారు.
నిమ్మకూరులో ఎన్టీఆర్ (NTR) శతజయంతి ఉత్సవాలను టీడీపీ (TDP) అధ్యక్షుడు నారా చంద్రబాబునాయుడు (Chandrababu) ప్రారంభించారు. ఉమ్మడి కృష్ణా జిల్లాలో చంద్రబాబు రెండోరోజు పర్యటన కొనసాగుతోంది. ఎన్టీఆర్, బసవతారకం విగ్రహాలకు చంద్రబాబు నివాళులర్పించారు. అనంతరం నిమ్మకూరు గ్రామస్తులతో చంద్రన్న'ఆత్మీయ సమ్మేళనం' కార్యక్రమంలో చంద్రబాబు పాల్గొన్నారు. అనంతరం నందమూరి కుటుంబం తరపున చంద్రబాబుకు హరికృష్ణ కుమార్తె సుహాసిని, నందమూరి రామకృష్ణ కొత్త వస్త్రాలను అందజేశారు. ఈ సందర్భంగా వేదికపై ఓ బుడ్డోడు పాంచాలి... పంచ భర్తృక డైలాగ్ చెప్పి చంద్రబాబును ఫిదా చేశాడు. ఆ పిల్లాడిని చంద్రబాబు అభినందించి సన్మానం చేశారు.
ఎన్టీఆర్ నడయాడిన నేలపై తాము తిరగడం ఆనందంగా ఉందని అచ్చెన్నాయుడు అన్నారు. సామాన్యమైన కుటుంబంలో పుట్టి యుగ పురుషుడిగా చరిత్ర సృష్టించిన మహానుభావుడు ఎన్టీఆర్ అని కొనియాడారు. సినీ, రాజకీయ రంగాలలో ఎన్టీఆర్‌‌కు ఎవరూ సాటిరారని తెలిపారు. ప్రపంచంలోనే తెలుగు వాడికి గౌరవం దక్కిందంటే నాడు ఎన్టీఆర్, నేడు చంద్రబాబు మాత్రమే కారణమని చెప్పారు. ఎన్టీఆర్ శత జయంతి ఉత్సవాలను టీడీపీ ఘనంగా నిర్వహిస్తోందన్నారు. ఎన్టీఆర్ శత జయంతి ఉత్సవాలలో వంద సభలు నిర్వహిస్తున్నట్లు తెలిపారు. రాజమండ్రిలో వందో సభ ఎన్టీఆర్ జయంతి రోజున చాలా ఘనంగా నిర్వహిస్తామన్నారు. అందరం కలిసి ముందుకు అడుగులు వేయాలని అచ్చెన్నాయుడు కోరారు.
Updated Date - 2023-04-13T16:20:01+05:30 IST