CM Jagan: శ్రీకాకుళం జిల్లా పర్యటనకు బయలుదేరిన సీఎం జగన్
ABN, First Publish Date - 2023-04-19T09:57:09+05:30
శ్రీకాకుళం జిల్లా పర్యటన నేపథ్యంలో ముఖ్యమంత్రి వైఎస్ జగన్ మోహన్ రెడ్డి ఈరోజు ఉదయం విజయవాడ అంతర్జాతీయ విమానాశ్రయానికి చేరుకున్నారు.
కృష్ణా: శ్రీకాకుళం జిల్లా పర్యటన నేపథ్యంలో ముఖ్యమంత్రి వైఎస్ జగన్ మోహన్ రెడ్డి (AP CM YS Jaganmohan Reddy) ఈరోజు ఉదయం విజయవాడ అంతర్జాతీయ విమానాశ్రయానికి చేరుకున్నారు. తాడేపల్లి నివాసం నుంచి రోడ్డు మార్గంలో విమానాశ్రయం చేరుకున్న సీఎం ప్రత్యేక విమానంలో విశాఖపట్నం బయలుదేరి వెళ్లారు. అక్కడి నుంచి శ్రీకాకుళం జిల్లాకు చేరుకుని మూలపేట పోర్టు నిర్మాణానికి భూమిపూజ కార్యక్రమంలో ముఖ్యమంత్రి జగన్ (AP CM) పాల్గొననున్నారు. గంగమ్మ తల్లికి పూజా కార్యక్రమాలు నిర్వహించి... ఆపై నౌపడ వద్ద పోర్టు నిర్వాసిత కాలనీకి శంకుస్థాపన చేయనున్నారు. దీంతో పాటు ఎచ్చెర్ల మండలం బుడగట్లపాలెం ఫిషింగ్‌ హార్బర్‌కు, హిర మండలం వంశధార లిఫ్ట్‌ ఇరిగేషన్‌ ప్రాజెక్ట్‌కు శంకుస్ధాపన చేస్తారు. బహిరంగ సభలో సీఎం వైఎస్ జగన్ ప్రసంగించనున్నారు. మూలపేట, విష్ణుచక్రం గ్రామాల ప్రజలతో ముఖాముఖి, సన్మాన కార్యక్రమం నిర్వహించనున్నారు. సమావేశం అనంతరం మధ్యాహ్నం అక్కడి నుంచి బయలుదేరి తిరిగి తాడేపల్లి నివాసానికి సీఎం జగన్ చేరుకోనున్నారు.
Updated Date - 2023-04-19T09:58:48+05:30 IST