Ramakrishna: ‘జగన్ నీకు చేతనైతే.. కేటీఆర్ వ్యాఖ్యలకు సమాధానం చెప్పు’
ABN, First Publish Date - 2023-04-12T11:34:46+05:30
ముఖ్యమంత్రి జగన్ మోహన్ రెడ్డిపై సీపీఐ నేత రామకృష్ణ ఆగ్రహం వ్యక్తం చేశారు.
విజయవాడ: ముఖ్యమంత్రి జగన్ మోహన్ రెడ్డి (CM Jaganmohan Reddy)పై సీపీఐ నేత రామకృష్ణ (CPI Leader Ramakrishna) ఆగ్రహం వ్యక్తం చేశారు. బుధవారం మీడియాతో మాట్లాడుతూ.. తెలుగు రాష్ట్రాల్లో విశాఖ ఉక్కు ఫ్యాక్టరీ (Visakha Steel Plant)పై చర్చ జరుగుతోందని.. విషయ పరిజ్ఞానం లేని మంత్రి అమర్‌నాథ్ (Minister Amarnath) ఏదో మాట్లాడతారని మండిపడ్డారు. అన్నీ తెలిసిన సజ్జల కూడా అసత్యాలు చెప్పడం ఆశ్చర్యం కలిగిన కలిగిస్తుందన్నారు. విశాఖ ఉక్కు ఫ్యాక్టరీని ప్రైవేటుపరం చేస్తామని కేంద్రం ప్రకటించిందని.. అదానీకి (Adani) దానిని కట్ట బెట్టడానికి కుట్రలు చేసిందని మండిపడ్డారు. కేంద్రం (Central Government) తలుచుకుంటే ఉక్కు ఫ్యాక్టరీని నడపలేదా అని ప్రశ్నించారు. ప్రైవేటు పరం‌చేయడం ద్వారా ఆ స్థలాలు అమ్ముకోవాలని చూస్తున్నారని ఆరోపించారు. ఇంత జరుగుతున్నా జగన్మోహన్ రెడ్డి (AP CM Jaganmohan Reddy) నోరు మెదపరని ఆయన ఆగ్రహం వ్యక్తం చేశారు.
జగన్ మంచి సలహా ఇచ్చాడంటున్న సజ్జల వాటిని బహిరంగం చేయాలని డిమాండ్ చేశారు. పోలవరం (Polavaram Project) విషయంలో కూడా అన్నీ డ్రామాలే అని వ్యాఖ్యలు చేశారు. జగన్ చేతకానితనం కప్పి పుచ్చుకోవడానికి డైవర్షన్ పాలిటిక్స్ చేస్తారన్నారు. రాష్ట్రానికి ఇంత అన్యాయం జరుగుతున్నా మాట్లాడటం లేదంటే ఏమనుకోవాలని అడిగారు. జగన్ రాజకీయంగా ఆత్మహత్య చేసుకోవడం ఖాయమని స్పష్టం చేశారు. అదానీతో జగన్ కుమ్మక్కు అయ్యారని.. వేల‌కోట్లు విలువ చేసే భూములు ఇచ్చారని ఆరోపించారు. మోడీ, అదానీ, జగన్ ఒక టీంగా ఉండి ప్రభుత్వ ఆస్తులను దోచేస్తున్నారన్నారు. వీటిని తాము బయట పెడితే.. టీడీపీకి (TDP) మద్దతు అని తమ మీద పడి ఏడుస్తున్నారని మండిపడ్డారు. జగన్‌కు చేతనైతే... కేటీఆర్ (Telangana Minister KTR) వ్యాఖ్యలకు సమాధానం చెప్పు అని డిమాండ్ చేశారు. వాళ్లు ఇచ్చే డబ్బులకు కక్కుర్తి పడి లాలూచీ పడి జగన్ రాష్ట్రాన్ని నాశనం చేశారని రామకృష్ణ తీవ్ర స్థాయిలో విరుచుకుపడ్డారు.
Updated Date - 2023-04-12T11:34:46+05:30 IST