Krishna Dist.: ఎమ్మెల్యే వంశీపై దేవినేని ఉమా ఫైర్..
ABN, First Publish Date - 2023-07-12T15:46:04+05:30
కృష్ణా జిల్లా: ఎమ్మెల్యే వంశీపై టీడీపీ సీనియర్ నేత, మాజీ మంత్రి దేవినేని ఉమా మహేశ్వరరావు ఫైర్ అయ్యారు. ఈ సందర్భంగా బుధవారం ఆయన విజయవాడలో మీడియాతో మాట్లాడుతూ...
కృష్ణా జిల్లా: ఎమ్మెల్యే వంశీపై టీడీపీ సీనియర్ నేత, మాజీ మంత్రి దేవినేని ఉమా మహేశ్వరరావు (Devineni Umamaheswararao) ఫైర్ అయ్యారు. ఈ సందర్భంగా బుధవారం ఆయన విజయవాడ (Vijayawada)లో మీడియాతో మాట్లాడుతూ గన్నవరం ఎమ్మెల్యే వంశీ (MLA Vamsi)ని ఒకటే అడుగుతున్నా.. పట్టుసీమ నీళ్ళు తెచ్చారా? అని ప్రశ్నించారు. పట్టు సీమ నీళ్ళు తేలేని గన్నవరం ఎమ్మెల్యే వంశీ అసమర్థుడు కాదా? అని అన్నారు. తెలుగుదేశం పార్టీలో గెలిచి ప్రాణభయంతో జగన్ పంచాన చేరిన వ్యక్తి వంశీ.... ఎందుకు భయమన్నారు. పోలీసులను అడ్డం పెట్టుకొని తెలుగుదేశం కార్యకర్తలను కొట్టిస్తారా?.. బచ్చుల అర్జునుడు చావు బతుకుల్లో ఉంటే పార్టీ కార్యాలయంపై దాడి చేస్తారా? అంటూ ఆగ్రహం వ్యక్తం చేశారు.
పార్టీ కార్యాలయంపై దాడి చేయటం ఇది మగతనమా? ఇది పౌరుషమా? అని దేవినేని ఉమా ప్రశ్నించారు. కృష్ణాజిల్లా అంటే పౌరుషాలగడ్డ అని, పుచ్చలపల్లి సుందరయ్య లాంటి మహానుభావుడు ఎమ్మెల్యేగా పనిచేసిన గన్నవరంలో వంశీ రౌడీ రాజ్యమా?.... ఆరు ఏడు కార్లు వేసుకొని అమాయకులైన నాయకులను కార్యకర్తలను భయపెడుతూ బతుకుతున్నావని దుయ్యబట్టారు. పోలవరం మట్టి అమ్ముకుంటుంటే పనికిమాలిన ఇరిగేషన్ మంత్రి అంబటి రాంబాబు చూస్తున్నాడని దేవినేని ఉమా మండిపడ్డారు.
Updated Date - 2023-07-12T15:46:04+05:30 IST