Gadde Rammohan: ప్రజల దగ్గరకు వెళ్ళే‌హక్కు ప్రతీ పార్టీకి ఉంది
ABN, First Publish Date - 2023-01-05T13:23:04+05:30
ప్రజల దగ్గరకు వెళ్ళే‌హక్కు ప్రతీ పార్టీకి ఉందని తూర్పు ఎమ్మెల్యే గద్దె రామ్మోహన్ అన్నారు.
విజయవాడ: ప్రజల దగ్గరకు వెళ్ళే‌హక్కు ప్రతీ పార్టీకి ఉందని తూర్పు ఎమ్మెల్యే గద్దె రామ్మోహన్ (MLA Gadde Rammohan) అన్నారు. గురువారం తూర్పు నియోజకవర్గం 14వ డివిజన్ అంబేద్కర్ విగ్రహం వద్ద జీఓ - 1 కాపీలను ఎమ్మెల్యే తగులబెట్టారు. ఈ సందర్భంగా ఆయన మాట్లాడుతూ... చీకటి జీవో కనుక తాము ఈ జీఓను తగులబెడుతున్నామన్నారు. చంద్రబాబు సభలకు లక్షలాది మంది వస్తున్నారని అన్నారు. యువగళం కార్యక్రమానికి జడిసి ఇలా చేస్తున్నారని విమర్శించారు. జీఓ-1 ను రద్దు చేయాలని, తక్షణమే నిర్ణయం తీసుకుని ప్రజాస్వామ్యానికి విలువ ఇవ్వాలని డిమాండ్ చేశారు. పులివెందులలో గెలిచి బోణీ చేయగలరా అంటూ గద్దె రామ్మోహన్ సవాల్ విసిరారు.
Updated Date - 2023-01-05T13:23:06+05:30 IST