Chinarajappa: ‘వైసీపీ నేతలు మాతో టచ్‌లోనే ఉన్నారు’
ABN, First Publish Date - 2023-03-14T10:10:39+05:30
ఎమ్మెల్యే కోటా ఎమ్మెల్సీ ఎన్నికల్లో పంచుమర్తి అనురాధను గెలుపు ఖాయమని టీడీపీ పొలిట్‌బ్యూరో సభ్యులు నిమ్మకాయల చినరాజప్ప ధీమా వ్యక్తం చేశారు.
అమరావతి: ఎమ్మెల్యే కోటా ఎమ్మెల్సీ ఎన్నికల్లో పంచుమర్తి అనురాధ (Panchumarthi Anuradha) ను గెలుపు ఖాయమని టీడీపీ పొలిట్‌బ్యూరో సభ్యులు నిమ్మకాయల చినరాజప్ప (TDP politburo member Nimmakayala Chinarajappa) ధీమా వ్యక్తం చేశారు. తమకు 23 మంది ఎమ్మెల్యే (MLA)ల బలం ఉందన్నారు. పార్టీ వీడిన నలుగురు ఎమ్మెల్యేలు గెలిచింది తెలుగుదేశం గుర్తుపై కాబట్టి, తమ అభ్యర్థికి ఓటేయాల్సిన బాధ్యత వారికుందని తెలిపారు. ‘‘ఒక వేళ ఆ నలుగురు మాకు ఓటేయకుంటే వైసీపీ నుంచి అంతకంటే ఎక్కువ మందే మాకు ఓటేస్తార’’ని అన్నారు. చాలా మంది వైసీపీ ఎమ్మెల్యే (YCP MLAs)లు తమతో టచ్‌లో ఉన్నారన్నారు. పవన్ కళ్యాణ్ అన్నా ప్రతిపక్షాలన్నా ఈ ప్రభుత్వానికి భయం కాబట్టే రోడెక్కకుండా అడ్డుకుంటున్నారన్నారు. అసెంబ్లీ పెట్టాలంటేనే జగన్మోహన్ రెడ్డి భయపడుతున్నారని వ్యాఖ్యలు చేశారు. 15కు పైగా ప్రజా సమస్యలు లెవనెత్తేందుకు పట్టుబడుతామని అన్నారు. చివరి బడ్జెట్ ప్రవేశపెడుతున్నా ప్రజా సంక్షేమానికి చేసిందేమీ లేదని చినరాజప్ప విమర్శలు గుప్పించారు.
Updated Date - 2023-03-14T10:10:39+05:30 IST