AP News: మంత్రాలయం వైసీపీ ఎమ్మెల్యే ఫ్యామిలీపై భూకబ్జా ఆరోపణలు
ABN, First Publish Date - 2023-07-18T16:04:15+05:30
మంత్రాలయం ఎమ్మెల్యే బాలనాగిరెడ్డి కుటుంబ సభ్యులపై టీడీపీ నేతలు భూకబ్జా ఆరోపణలు చేశారు. కౌతాళం మండలం ఏరిగేరిలో 9.5 ఎకరాల ప్రభుత్వ భూమిని కబ్జా చేశారని ఆరోపిస్తున్నారు. రియల్ వెంచర్ వేసి ప్లాట్‌ను రూ 4.5 లక్షలు చొప్పున ఎమ్మెల్యే కుటుంబ సభ్యులు అమ్మకానికి పెట్టారు.
కర్నూలు: మంత్రాలయం ఎమ్మెల్యే బాలనాగిరెడ్డి (Mantralayam Mla Balanagi Reddy) కుటుంబ సభ్యులపై టీడీపీ నేతలు భూకబ్జా ఆరోపణలు చేశారు. కౌతాళం మండలం ఏరిగేరిలో 9.5 ఎకరాల ప్రభుత్వ భూమిని కబ్జా చేశారని ఆరోపిస్తున్నారు. రియల్ వెంచర్ వేసి ప్లాట్‌ను రూ 4.5 లక్షలు చొప్పున ఎమ్మెల్యే కుటుంబ సభ్యులు అమ్మకానికి పెట్టారు. అయితే ఇదే ప్రభుత్వ భూమిలో 2006లో పేదలకు అప్పటి ఎమ్మెల్యే సాయిప్రసాద్ రెడ్డి పట్టాలు ఇచ్చారు. అన్న ప్రజలకు పట్టాలు ఇస్తే.. ఇప్పుడు తమ్ముడు ఆ భూమిని ఆక్రమించి రియల్ వెంచర్ వేసి అమ్ముతున్నారని ఆరోపిస్తున్నారు. మరోవైపు 2006లో ఇచ్చిన ప్రభుత్వ పట్టాలను లబ్ధిదారులు చూపిస్తున్నారు. ఎమ్మెల్యే కుటుంబం కబ్జా చేసిన భూమిని టీడీపీ ఇంచార్జి తిక్కారెడ్డి లబ్ధిదారులతో కలసి సందర్శించారు. ప్రభుత్వ భూమి కబ్జా చేసిన ఎమ్మెల్యే బాలనాగిరెడ్డిపై చర్యలు తీసుకోవాలని డిమాండ్ చేశారు. ఎమ్మెల్యే కుటుంబం కబ్జా చేసిన భూమిలో నిజమైన పట్టాదారులకు ఇల్లు నిర్మించాలని టీడీపీ డిమాండ్ చేసింది.
Updated Date - 2023-07-18T16:04:15+05:30 IST