Bhuvaneshwari: గన్నవరం ఎయిర్‌పోర్టులో సెంటర్ ఆఫ్ అట్రాక్షన్‌గా భువనేశ్వరి
ABN, First Publish Date - 2023-12-01T14:04:37+05:30
Andhrapradesh: టీడీపీ అధినేత చంద్రబాబు నాయుడు, సతీమణి భువనేశ్వరితో కలిసి కాసేపటి క్రితమే గన్నవరం ఎయిర్‌పోర్టుకు చేరుకున్నారు. ఎయిర్ పోర్ట్‌లో భువనేశ్వరి సెంటర్ ఆఫ్ అట్రాక్షన్‌గా నిలిచారు.
అమరావతి: టీడీపీ అధినేత చంద్రబాబు నాయుడు (TDP Chief Chandrababu Naidu), సతీమణి భువనేశ్వరితో (Bhuvaneshwari) కలిసి కాసేపటి క్రితమే గన్నవరం ఎయిర్‌పోర్టుకు చేరుకున్నారు. ఎయిర్ పోర్ట్‌లో భువనేశ్వరి సెంటర్ ఆఫ్ అట్రాక్షన్‌గా నిలిచారు. భువనేశ్వరి బయటికి రాగానే పెద్ద ఎత్తున ఆమెకు మద్దతుగా టీడీపీ శ్రేణులు నినాదాలు చేశారు. భువనేశ్వరితో సెల్ఫీలు దిగేందుకు మహిళలు, తెలుగు తమ్ముళ్లు పోటీ పడ్డారు. సెక్యూరిటీ సిబ్బంది వద్దన్నప్పటికీ తన కోసం వచ్చిన వారిని ఆప్యాయంగా పలకరిస్తూ భువనేశ్వరి సెల్ఫీలు దిగారు.
అంతకుముందు చంద్రబాబుకు టీడీపీ శ్రేణులు ఎయిర్‌పోర్టులో ఘనస్వాగతం పలికారు. జై చంద్రబాబు జై జై చంద్రబాబు అంటూ టీడీపీ నేతలు పెద్ద ఎత్తున నినాదాలు చేశారు. చాలా రోజుల తర్వాత చంద్రబాబు రావడంతో పార్టీ కార్యకర్తల్లో కొత్త జోష్ నెలకొంది. ఎయిర్‌పోర్టు నుంచి పెద్ద ఎత్తున ర్యాలీతో ఉండవల్లిలోని చంద్రబాబు నివాసానికి తెలుగుదేశం నేతలు వెళ్లనున్నారు. సైకో పోవాలి... సైకిల్ రావాలి అంటూ కార్యకర్తలు నినాదాలు చేశారు.
Updated Date - 2023-12-01T14:04:38+05:30 IST