Somireddy: ఏపీలో పరిస్థితులు చూసి స్వర్గంలో అంబేద్కర్ బాధపడుతుంటారు
ABN, First Publish Date - 2023-01-26T11:37:12+05:30
74వ గణతంత్ర దినోత్సవ వేడుకలు జరుపుకోవడం ఆనందంగా ఉందని మాజీ మంత్రి సోమిరెడ్డి చంద్రమోహన్ రెడ్డి అన్నారు.
నెల్లూరు: 74వ గణతంత్ర దినోత్సవ వేడుకలు జరుపుకోవడం ఆనందంగా ఉందని మాజీ మంత్రి సోమిరెడ్డి చంద్రమోహన్ రెడ్డి (TDP Leader Somireddy Chandramohan Reddy) అన్నారు. టీడీపీ కార్యాలయంలో గణతంత్ర దినోత్సవ వేడుకలు ఘనంగా నిర్వహించారు. ఈ సందర్భంగా సోమిరెడ్డి మాట్లాడుతూ... 1950 నుంచి స్వతంత్ర భారత దేశంలో సర్వహక్కులతో రాజ్యాంగం అమలౌతుందని... ఏపీలో మాత్రం అమలు కాకపోవడం దురదృష్టకరమన్నారు. మూడున్నర ఏళ్లగా జగన్, ఆయన మంత్రులు, ఎమ్మెల్యేలు చెప్పిందే చట్టమైందని మండిపడ్డారు. ఏపీలో పరిస్థితులు చూసి స్వర్గంలో అంబేద్కర్ బాధపడుతుంటారన్నారు. ఏపీలో కూడా ప్రజలందరూ భారత రాజ్యాంగం ప్రకారం బ్రతికే రోజులు దగ్గర్లోనే ఉన్నాయని సోమిరెడ్డి తెలిపారు.
Updated Date - 2023-01-26T11:37:13+05:30 IST