Bapatla: బాపట్ల వద్ద ఘోర రోడ్డు ప్రమాదం.. మృతులంతా ఎస్సై కుటుంబ సభ్యులే..
ABN, First Publish Date - 2023-02-19T07:44:23+05:30
బాపట్ల జిల్లా (Bapatla) కొరిశపాడు మండలం మేదరమెట్ల వద్ద ఘోర రోడ్డు ప్రమాదం (road accident) జరిగింది.
బాపట్ల: బాపట్ల: బాపట్ల జిల్లా (Bapatla) కొరిశపాడు మండలం మేదరమెట్ల వద్ద ఘోర రోడ్డు ప్రమాదం (road accident) జరిగింది. అదుపుతప్పి ఎదురుగా వస్తున్న లారీ పైకి కారు దూసుకెళ్లింది. ఈ ప్రమాదంలో కారులో ఉన్న ఐదుగురు అక్కడికక్కడే మృతి చెందారు. మృతుల్లో అద్దంకి ఎస్సై సమందరవలి భార్య వహీదా (35), కూతురు ఆయేషా (9) బంధువు బుర్రాల జయశ్రీ (50) బుర్రాల దివ్యతేజ (29), డ్రైవర్ బ్రహ్మచారి (22)గా గుర్తించారు. టీఎస్ 07 జీడీ 3249 నంబర్ ఉన్న కారు ప్రకాశం జిల్లా ఒంగోలు నుంచి గుంటూరు వైపు వెళ్తోంది. ఆ సమయంలో అటు వైపు నుంచి ఎస్సై కుటుంబసభ్యులు ప్రయాణిస్తున్న కారు వస్తుండగా టైర్ పంక్చరై అదుపుతప్పి లారీని ఢీకొట్టడంతో ఈ ప్రమాదం జరిగింది. అద్దంకి సీఐ రోశయ్య ఘటనా స్థలానికి వెళ్లి ప్రమాదం జరిగిన తీరును పరిశీలించారు. చిన్నగంజాం తిరుణాళ్ళకి వెళ్లి అద్దంకి తిరిగి వస్తుండగా ప్రమాదం చోటు చేసుకుందని సీఐ తెలిపారు. ఈ ఘటనపై కేసు నమోదు చేసి దర్యాప్తు చేస్తున్నట్లు అద్దంకి సీఐ రోశయ్య చెప్పారు. ఈ ఘటనతో ఇరువురు కుటుంబ సభ్యులు కన్నీటి పర్యంతమయ్యారు.
************************
ఈ వార్తలు కూడా చదవండి
గరికిపాటికి ‘గురుశ్రీ’ పురస్కారం
Updated Date - 2023-02-19T12:17:32+05:30 IST