Somu Veerraju: జగన్‌కు సోమువీర్రాజు లేఖ
ABN, First Publish Date - 2023-03-08T18:38:42+05:30
సీఎం జగన్‌ (CM Jagan)కు బీజేపీ రాష్ట్ర అధ్యక్షుడు సోమువీర్రాజు (Somu Veerraju) లేఖ రాశారు...
అమరావతి: సీఎం జగన్‌ (CM Jagan)కు బీజేపీ రాష్ట్ర అధ్యక్షుడు సోమువీర్రాజు (Somu Veerraju) లేఖ రాశారు. అగ్రిగోల్డ్‌ (Agrigold) బాధితులకు ప్రభుత్వం న్యాయం చేయాలని డిమాండ్ చేశారు. అగ్రిగోల్డ్‌ బాధితులకు ప్రభుత్వం ఇచ్చిన హామీలు ఏమయ్యాయని ప్రశ్నించారు. ఇప్పటివరకు ఎంతమంది సమస్యలు పరిష్కరించారని లేఖలో నిలదీశారు. చెల్లింపులు లేక మనస్తాపంతో 142 మంది బాధితులు మృతిచెందారని తెలిపారు. అగ్రిగోల్డ్‌ బాధితుల సాయంపై శ్వేతపత్రం విడుదల చేయాలని లేఖ (Letter)లో సోమువీర్రాజు డిమాండ్ చేశారు.
అగ్రిగోల్డ్‌ ఆస్తులు అమ్మేందుకు అభ్యంతరమేంటి?
అగ్రిగోల్డ్‌ కంపెనీ ఆస్తులను విక్రయించి బాధితులకు డబ్బు చెల్లించేందుకు సీఎం జగన్‌కు ఉన్న అడ్డంకులేంటో చెప్పాలని అగ్రిగోల్డ్‌ కస్టమర్స్‌ అండ్‌ ఏజెంట్స్‌ వెల్ఫేర్‌ అసోసియేషన్‌ గౌరవాధ్యక్షుడు ముప్పాళ్ళ నాగేశ్వరరావు ప్రశ్నించారు. అసోసియేషన్‌ రాష్ట్ర సమితి సమావేశం స్థానిక దాసరి భవన్‌లో మంగళవారం జరిగింది. అగ్రిగోల్డ్‌ ఆస్తుల విక్రయానికి సత్వరమే ఒక ప్రభుత్వ ప్రత్యేక సంస్ధను ఏర్పాటు చేయాలని, వేగంగా ఆస్తులను విక్రయించి డిపాజిట్‌దారులకు డబ్బు చెల్లించాలని రాష్ట్ర ప్రభుత్వాన్ని డిమాండ్ చేస్తూ తీర్మానించారు.
Updated Date - 2023-03-08T18:38:42+05:30 IST