Chandrababu: బెంగళూరులో త్రిలోక్‌ను పరామర్శించిన చంద్రబాబు
ABN, Publish Date - Dec 28 , 2023 | 01:24 PM
Andhrapradesh: టీడీపీ అధినేత చంద్రబాబు నాయుడు కాసేపటి క్రితమే బెంగళూరుకు చేరుకున్నారు. ఈ సందర్భంగా కుప్పం నియోజకవర్గ సమన్వయ కమిటీ సభ్యులు త్రిలోక్‌ను చంద్రబాబు పరామర్శించారు. చంద్రబాబు అక్రమ అరెస్ట్ సమయంలో కుప్పంలో ఆందోళన చేస్తున్న సమయంలో త్రిలోక్ ప్రమాదానికి గురయ్యారు. ప్రస్తుతం బెంగళూరులోని తన నివాసంలో త్రిలోక్ ఉంటున్నారు.
బెంగళూరు, డిసెంబర్ 28: టీడీపీ అధినేత చంద్రబాబు నాయుడు (TDP Chief Chandrababu) కాసేపటి క్రితమే బెంగళూరుకు చేరుకున్నారు. ఈ సందర్భంగా కుప్పం నియోజకవర్గ సమన్వయ కమిటీ సభ్యులు త్రిలోక్‌ను చంద్రబాబు పరామర్శించారు. చంద్రబాబు అక్రమ అరెస్ట్ సమయంలో కుప్పంలో ఆందోళన చేస్తున్న సమయంలో త్రిలోక్ ప్రమాదానికి గురయ్యారు. ప్రస్తుతం బెంగళూరులోని తన నివాసంలో త్రిలోక్ ఉంటున్నారు. ఈ క్రమంలో కాసేపటి క్రితమే త్రిలోక్‌ను పరామర్శించిన చంద్రబాబు.. తీవ్ర అనారోగ్యానికి గురైన త్రిలోక్ ఆరోగ్య పరిస్థితిపై కుటుంబ సభ్యులతో మాట్లాడారు. పార్టీ అండగా ఉంటుందని ధైర్యం చెప్పారు. అక్కడి నుంచి బెంగళూరు టీడీపీ ఫోరం సమావేశంలో పాల్గొనేందుకు చంద్రబాబు బయలుదేరి వెళ్లారు.
అంతకుముందు బెంగళూరు హెచ్ఎఎల్ విమానాశ్రయానికి చేరుకున్న చంద్రబాబుకు నేతలు ఘన స్వాగతం పలికారు. ఎమ్మెల్సీలు కంచర్ల శ్రీకాంత్, భూమిరెడ్డి రాంగోపాల్ రెడ్డి, టీడీపీ నేత గురజాల జగన్మోహన్.. చంద్రబాబు స్వాగతం పలికారు. విమానాశ్రయం వద్దకు భారీగా టీడీపీ అభిమానులు చేరుకున్నారు.
మరిన్ని ఏపీ వార్తల కోసం ఇక్కడ క్లిక్ చేయండి..
Updated Date - Dec 28 , 2023 | 01:47 PM
