Buddha Venkanna :కొడాలి నానిపై టీడీపీ నేత బుద్ధా వెంకన్న ఫైర్
ABN, First Publish Date - 2023-10-25T20:21:49+05:30
వైసీపీ ఎమ్మెల్యే, మాజీ మంత్రి కొడాలి నానిపై ఉత్తరాంధ్ర టీడీపీ ఇన్‌ఛార్జ్ బుద్ధ వెంకన్న ఆగ్రహం వ్యక్తం చేశారు.
అమరావతి: వైసీపీ ఎమ్మెల్యే, మాజీ మంత్రి కొడాలి నానిపై ఉత్తరాంధ్ర టీడీపీ ఇన్‌ఛార్జ్ బుద్ధ వెంకన్న ఆగ్రహం వ్యక్తం చేశారు.
"జగన్ జైల్లో ఉన్నప్పుడు విజయమ్మ షర్మిల ప్రచారం చేశారు. అంటే జగన్ అసమర్థుడని కొడాలి నాని చెప్తారా?. కొడాలి నాని దృష్టిలో జగన్మోహన్ రెడ్డి పనికిరాని వాడు ఇప్పటికైనా తన మనసులో మాటని నాని బయట పెట్టారు. తనని అర్థాంతరంగా మంత్రి పదవి నుంచి తప్పించారనే బాధ కొడాలి నానికి ఉంది. అందుకే జగన్ పనికిమాలిన వాడని అంటున్నారు. కొడాలి నానికి ఎన్టీఆర్ దేవుడు అయినప్పుడు ఆయన కుమార్తె భువనేశ్వరి దేవత కాదా. చంద్రబాబు లాయర్ల కోసం 35 కోట్లు ఖర్చు పెట్టారంటున్న కొడాలి నాని.. జగన్ 16 నెలలు జైల్లో ఉన్నప్పుడు రూ. 4000 కోట్లు ఖర్చు పెట్టారా?. భర్తకు జరిగిన అన్యాయంపై ప్రజల్లోకి వస్తే భువనమ్మను చూసి వైసీపీ నేతలు వణికి పోతున్నారు. లోకేష్, పవన్ కళ్యాణ్ కలయికతో వైసీపీకి అభ్యర్థులు కరువయ్యారు. శేషాచలం అడవుల్లో ఎర్రచందనం స్మగ్లింగ్ చేసేవాళ్లంతా జగన్మోహన్ రెడ్డి అనుచరులే. ఈ సంవత్సరం మాకు దీపావళి లేదు. జగన్ ఓడినరోజే దీపావళి." అని బుద్ధ వెంకన్న అన్నారు.
Updated Date - 2023-10-25T20:22:04+05:30 IST