TDP MLA: జగన్‌పై టీడీపీ ఎమ్మెల్యే అనగాని సత్యప్రసాద్ సంచలన వ్యాఖ్యలు
ABN, First Publish Date - 2023-05-21T10:09:56+05:30
ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డిపై (YS Jaganmohan Reddy) టీడీపీ ఎమ్మెల్యే అనగాని సత్యప్రసాద్ (TDP MLA Agani Sathyaprasad) సంచలన వ్యాఖ్యలు చేశారు.
అమరావతి: ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డిపై (YS Jaganmohan Reddy) టీడీపీ ఎమ్మెల్యే అనగాని సత్యప్రసాద్ (TDP MLA Agani Sathyaprasad) సంచలన వ్యాఖ్యలు చేశారు. మొక్కజొన్నను కొనుగోలు చేయలేని దద్దమ్మ ముఖ్యమంత్రి అంటూ జగన్‌పై ఘాటు వ్యాఖ్యలు చేశారు. అకాల వర్షాలతో దెబ్బతిన్న మొక్కజొన్న పంటను కొనుగోలు చేస్తామని ఆర్భాటంగా ప్రచారం చేశారని అనగాని సత్యప్రసాద్ విమర్శించారు. పంట అమ్మేవారు ఆర్బీకేల్లో రిజిస్ట్రేషన్ చేసుకోవాలని మెలిక పెట్టారని మండిపడ్డారు.
జగన్రెడ్డి ఏపీని అన్ని రంగాల్లో అట్టడుగున నిలిపారని ఎమ్మెల్యే అనగాని ఆరోపించారు. వ్యవసాయ రంగాన్ని కూడా పాతాళంలోకి తొక్కారని, రైతులు ఏ పంట సాగు చేసినా నష్టాలే తప్ప.. లాభాల మాటే లేదని మండిపడ్డారు. వ్యవసాయ రంగాన్ని దళారుల చేతుల్లో పెట్టిన జగన్.. రైతు ద్రోహి అని సత్యప్రసాద్ అన్నారు. మూడు రాజధానులు కడతానంటే జనం విశ్వసిస్తారా? అని అనగాని సత్యప్రసాద్ ప్రశ్నించారు. మొక్కజొన్న రైతు నుంచి గిట్టుబాటు ధరతో పంట కొనుగోలు చేయాలని సత్యప్రసాద్ డిమాండ్ చేశారు.
Updated Date - 2023-05-21T10:11:04+05:30 IST