Gorantla Buchaiah Chaudhary: ఎస్ఎస్జీ భద్రతపై మా అమ్మాయి ఆశ్చర్యపోయింది.. బుచ్చయ్య సెటైర్
ABN, First Publish Date - 2023-09-22T11:07:33+05:30
సీఎం భద్రతకు స్పెషల్ సెక్యూర్టీ గ్రూప్- ఎస్ఎస్జీ ఏర్పాటు చేస్తూ సభలో బిల్లును ప్రవేశపెట్టారు. ఈ ఎస్ఎస్జీ ఏర్పాటుపై టీడీపీ ఎమ్మెల్యే బుచ్చయ్య చౌదరి సెటైర్లు విసిరారు. సీఎం జగన్ అభద్రతా భావంలోకి వెళ్లారన్నారు.
అమరావతి: సీఎం భద్రతకు స్పెషల్ సెక్యూర్టీ గ్రూప్- ఎస్ఎస్జీ (SSG) ఏర్పాటు చేస్తూ ఏపీ శాసనసభలో బిల్లును ప్రవేశపెట్టారు. ఈ ఎస్ఎస్జీ ఏర్పాటుపై టీడీపీ ఎమ్మెల్యే గోరంట్ల బుచ్చయ్య చౌదరి (TDP MLA Gorantla Buchaiah Chaudhary)సెటైర్లు విసిరారు. సీఎం జగన్ అభద్రతా భావంలోకి వెళ్లారన్నారు. ఇంటి నుంచి అసెంబ్లీకి రావడానికి 3 వేల మంది పోలీసులను భద్రతగా పెట్టుకున్నారని.. విదేశాల నుంచి వచ్చిన మా అమ్మాయి ఈ భద్రతను చూసి ఆశ్చర్యపోయిందన్నారు. వైట్ హౌస్ ముట్టడి కార్యక్రమం జరుగుతున్నా.. ఇంత భద్రత పెట్టరు కదా అంటూ తన కూతురు ఆశ్చర్యపోయిందని చెప్పుకొచ్చారు. ప్రజల నుంచి తిరుగుబాటు వచ్చిందన్నారు. పరదాలు కట్టుకుని తిరిగే సీఎం జగన్ (CM Jagan) ఎస్ఎస్జీ పెట్టుకోవడం ఆశ్చర్యమేం లేదని తెలిపారు. ఉన్న కొన్ని రోజుల పాటు ప్రజా తిరుగుబాటు నుంచి తప్పించుకునేందుకు ఎస్ఎస్జీ బిల్లు పెట్టారని బుచ్చయ్యచౌదరి వ్యాఖ్యలు చేశారు.
Updated Date - 2023-09-22T11:07:33+05:30 IST