GVL. Narasimha Rao: విశాఖ రైల్వే జోన్‌పై జీవీఎల్ ఏమన్నారంటే..!
ABN, First Publish Date - 2023-11-16T14:47:02+05:30
విశాఖ మీదుగా ఎక్కువ రైళ్లను నడిపేందుకు రూట్ మ్యాప్ సిద్ధం చేస్తున్నారు. పెందుర్తిలో స్టేషన్ నిర్మాణం చేయాలని కోరాను. అలాగే వారణాసి-విశాఖ రైలు రాబోతుంది.
విశాఖ: రైల్వే ప్రయాణికులకు మెరుగైన సదుపాయాలు కల్పించాలని బీజేపీ రాజ్యసభ సభ్యులు జీవీఎల్.నరసింహరావు (GVL. Narasimha Rao) రైల్వేశాఖను డిమాండ్ చేశారు. విశాఖ డీఆర్ఎం కార్యాలయంలో రైల్వే ఉన్నతాధికారులతో ఎంపీ జీవీఎల్ సమావేశం అయ్యారు. ఈ సందర్భంగా రైల్వేకు సంబంధించిన పలు అంశాలపై అధికారులతో చర్చించారు. అనంతరం ఆయన మీడియాతో మాట్లాడారు. ‘‘విశాఖ కేంద్రంగా ఉన్న రైల్వే పెండింగ్ సమస్యలపై అధికారులతో మాట్లాడాను. సింహాచలం-దువ్వాడ స్టేషన్ అభివృద్ధికి ప్రతిపాదించాను. విశాఖ మీదుగా ఎక్కువ రైళ్లను నడిపేందుకు రూట్ మ్యాప్ సిద్ధం చేస్తున్నారు. పెందుర్తిలో స్టేషన్ నిర్మాణం చేయాలని కోరాను. అలాగే వారణాసి-విశాఖ రైలు రాబోతుంది. రైల్వే జోన్ ప్రక్రియ ఎక్కడ ఆగలేదు.. భవన నిర్మాణాలు జరుగుతాయి.’’ అని జీవీఎల్ చెప్పుకొచ్చారు.
Updated Date - 2023-11-16T14:47:06+05:30 IST