Ganta Srinivasrao: ఎమ్మెల్యే గంటా ఇంటివద్ద ఉద్రిక్తత
ABN, First Publish Date - 2023-10-16T12:42:01+05:30
విశాఖ ఉత్తర ఎమ్మెల్యే గంటా శ్రీనివాసరావు ఇంటివద్ద ఉద్రిక్తత చోటు చేసుకుంది.
విశాఖపట్నం: విశాఖ ఉత్తర ఎమ్మెల్యే గంటా శ్రీనివాసరావు (MLA Ganta Srinivas rao) ఇంటివద్ద ఉద్రిక్తత చోటు చేసుకుంది. నల్ల బెలూన్లు ఎగురవేత కార్యక్రమాన్ని అడ్డుకోవడానికి పోలీసులు విఫలయత్నం చేశారు. దీంతో పోలీసులకు, టీడీపీ కార్యకర్తలకు మధ్య వాగ్వాదం చోటు చేసుకుంది. ఈ సందర్భంగా గంటా మాట్లాడుతూ.. ముఖ్యమంత్రి పర్యటనకు వస్తే వినతిపత్రాలు తీసుకునే ఆనవాయితీ ఉండేదన్నారు. జగన్ విశాఖ పర్యటనలో అవేమీ లేవని.. పైగా ప్రతపక్షాలను నిర్భంధిస్తున్నారని మండిపడ్డారు. ఉత్తరాంధ్రపై కపట ప్రేమ చూపిస్తున్నారని ఆగ్రహం వ్యక్తం చేశారు. కలవడానికి లెటర్ ఇచ్చినందుకు అరెస్ట్ చేస్తారా?.. ఇది నిరంకుశ పాలనకు నిదర్శనమన్నారు. సుప్రీంకోర్ట్‌లో చంద్రబాబుకు ఊరట వస్తుందనే విశ్వాసం తమకు ఉందని గంటా శ్రీనివాసరావు పేర్కొన్నారు.
Updated Date - 2023-10-16T12:42:01+05:30 IST