Yuvagalam Padayatra: ప్యాపిలిలో లోకేశ్కు స్థానికుల ఘనస్వాగతం
ABN, First Publish Date - 2023-04-14T17:45:15+05:30
ప్యాపిలి (Papilio)లో టీడీపీ నేత లోకేశ్కు స్థానికుల ఘనస్వాగతం పలికారు. నారా లోకేశ్ (Nara Lokesh)ను చూసేందుకు ప్రజలు పెద్దఎత్తున తరలివస్తున్నారు.
నంద్యాల: ప్యాపిలి (Papilio)లో టీడీపీ నేత లోకేశ్కు స్థానికుల ఘనస్వాగతం పలికారు. నారా లోకేశ్ (Nara Lokesh)ను చూసేందుకు ప్రజలు పెద్దఎత్తున తరలివస్తున్నారు. ప్రజలతో మాట్లాడి వారి సమస్యలు అడిగి ఆయన తెలుసుకున్నారు. లోకేశ్‌ను వీఆర్ఏల సంఘం ప్రతినిధులు కలిశారు. ఈ సందర్భంగా ఆయన మాట్లాడుతూ వీఆర్ఏల న్యాయమైన డిమాండ్లకు టీడీపీ (TDP) మద్దతు ఇస్తోందని, సీఎం జగన్ పాలనలో ఉద్యోగులు ఇబ్బందులు పడుతున్నారని తెలిపారు. టీడీపీ అధికారంలోకి రాగానే వీఆర్ఏల డిమాండ్లను పరిష్కరిస్తామని లోకేశ్ హామీ ఇచ్చారు. యువగళం పాదయాత్ర (Yuvagalam Padayatra) గురువారం నంద్యాల జిల్లాకు చేరుకుంది.
లోకేశ్కు ఉమ్మడి జిల్లా టీడీపీ నాయకులు, కార్యకర్తలు, తెలుగు యువత నాయకులు ఘన స్వాగతం పలికారు. కర్నూలు, నంద్యాల (Kurnool Nandyala) జిల్లాల అధ్యక్షులు సోమిశెట్టి వెంకటేశ్వర్లు, గౌరు వెంకటరెడ్డి, డోన్‌ ఇన్‌చార్జి ధర్మవరం సుబ్బారెడ్డితోపాటు వివిధ నియోజకవర్గ ఇన్‌చార్జిలు లోకేశ్‌ను జిల్లాలోకి ఆహ్వానించారు. అంతకుముందు అనంతపురం జిల్లాకు చెందిన మాజీ మంత్రులు పయ్యావుల కేశ్‌వ్‌, పరిటాల సునీత, తాడిపత్రి మునిసిపల్‌ చైర్మన్‌ జేసీ ప్రభాకర్‌రెడ్డి తదితరులు లోకేశ్కు వీడ్కోలు పలికారు. జిల్లాలో అడుగు పెట్టగానే రెట్టింపు ఉత్సాహంతో తెలుగు తమ్ముళ్లు పూలవర్షం కురిపించారు.
Updated Date - 2023-04-14T17:45:15+05:30 IST