TDP: ఏలూరులో టీడీపీ నేతల నిరసన
ABN, First Publish Date - 2023-09-12T16:23:31+05:30
టీడీపీ అధినేత చంద్రబాబు అరెస్ట్‌కు నిరసనగా ఏలూరులో తెలుగు తమ్ముళ్లు నిరసనకు దిగారు.
ఏలూరు: టీడీపీ అధినేత చంద్రబాబు (TDP Chief Chandrababu) అరెస్ట్‌కు నిరసనగా ఏలూరులో తెలుగు తమ్ముళ్లు నిరసనకు దిగారు. పార్టీ ఆఫీసు నుంచి భారీ ర్యాలీగా నల్లజండాలతో నిరసన చేపట్టారు. తెలుగుదేశం పార్టీ నాయకులు రోడ్డుపై బైఠాయించి నిరసన వ్యక్తం చేస్తున్నారు. ఈ సందర్భంగా పాలకొల్లు ఎమ్మెల్యే నిమ్మల రామానాయుడు (MLA Nimmala Ramanaidu) మాట్లాడుతూ.. చంద్రబాబు నాయుడుకి ప్రాణహాని ఉందన్నారు. జైల్లో ముందుగానే కొంతమంది వైసీపీ గుండాలు చేరిపోయారని తెలిపారు. పరిటాల రవి హత్య కేసులో నిందితులను సాక్షాలు లేకుండా ఎలా చంపేశారు ప్రజలందరికీ తెలుసన్నారు. జగన్ జీవితమే రక్త చరిత్ర అని విమర్శించారు. సొంత బాబాయిని హత్య చేసిన వారికి చంద్రబాబును లెక్క కాదన్నారు. అధికారం కోసం జగన్మోహన్ రెడ్డి దేనికైన తెగిస్తారని నిమ్మల రామానాయుడు విరుచుకుపడ్డారు.
Updated Date - 2023-09-12T16:23:31+05:30 IST