Modi ప్రసంగానికి బీజేపీ నేతలంతా క్లాప్స్ కొట్టారు.. ఒక్కరు తప్ప.. ఇంతకీ ఎవరా వ్యక్తి?
ABN, First Publish Date - 2023-02-10T10:22:17+05:30
ప్రధాని నరేంద్ర మోదీ.. మాటల మాంత్రికుడు.. తన మాటలతో ఎంతటి వారినైనా మెప్పించగలరు. ఆయన తాజాగా పార్లమెంటులో చేసిన ప్రసంగానికి బీజేపీ నేతలంతా స్లోగన్స్.. క్లాప్స్‌తో అల్లాడించారు. కానీ ఒక్కరు మాత్రం క్లాప్స్ కొట్టలేదు.
ఢిల్లీ : ప్రధాని నరేంద్ర మోదీ (PM Modi).. మాటల మాంత్రికుడు.. తన మాటలతో ఎంతటి వారినైనా మెప్పించగలరు. ఆయన తాజాగా పార్లమెంటు (Parliament)లో చేసిన ప్రసంగానికి బీజేపీ నేతలం (BJP Leaders)తా స్లోగన్స్.. క్లాప్స్‌తో అల్లాడించారు. కానీ ఒక్కరు మాత్రం క్లాప్స్ కొట్టలేదు. అంతమంది బీజేపీ నేతల మధ్య ఆయన ఒక్కరే హైలైట్ అయ్యారు. ఇంతకీ ఎవరా వ్యక్తి? ఆ వీడియో (Video)లో నిజమెంత? ఒకసారి చూద్దాం.
పార్లమెంట్‌లో ప్రధాని మోదీ ధన్యవాద తీర్మానానికి సంబంధించిన వీడియో ఒకటి సోషల్ మీడియా (Social Media)లో వైరల్ అవుతోంది. ఈ వీడియో 8 ఫిబ్రవరి 2023న లోక్‌సభలో రాష్ట్రపతి (President) ప్రసంగానికి ప్రధాని మోదీ ధన్యవాదాలు తెలిపే తీర్మానంలోనిది. ఆ వీడియోలో కేంద్ర మంత్రులు (Central Ministers).. మోదీని ప్రశంసించేందుకు బల్లలను కొడుతూ చేసిన హంగామా కనిపించింది. మోదీ పేరును స్మరిస్తూ పెద్ద ఎత్తున స్లోగన్స్ (Slogans) ఇచ్చారు. అయితే ఈ వీడియోలో కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ మాత్రం తనకేమీ పట్టనట్టు సైలెంట్‌గా కూర్చున్నారు. చప్పట్లు కొట్టినట్లు కూడా కనిపించడం లేదు. ఈ వీడియో ఇప్పుడు సోషల్ మీడియాలో తెగ వైరల్ అవుతోంది. దీనిపై పెద్ద ఎత్తున ట్రోల్స్ వస్తున్నాయి. అంతేకాదు.. నితిన్ గడ్కరీ ఎందుకు అలా పట్టనట్టు వ్యవహరించారనేది రాజకీయ వర్గాల్లో సైతం చర్చకు దారి తీసింది.
Updated Date - 2023-02-10T10:46:47+05:30 IST