Bomb Threat : అమితాబ్, ధర్మేంద్రలకు బాంబు బెదిరింపులు
ABN, First Publish Date - 2023-03-01T13:03:03+05:30
ముంబైలోని జుహు, విలే-పార్లే, గమ్‌దేవి పోలీస్ స్టేషన్లకు చెందిన పోలీసులు వెంటనే అమితాబ్, ధర్మేంద్రల నివాసాల వద్ద తనిఖీలు చేశారు.
ముంబై : బాలీవుడ్ దిగ్గజం అమితాబ్ బచ్చన్ (Amitabh Bachchan), ప్రముఖ బాలీవుడ్ నటుడు ధర్మేంద్ర (Dharmendra)ల నివాసాల సమీపంలో బాంబులు పెట్టినట్లు ఓ ఆగంతకుడు నాగ్‌పూర్ పోలీస్ కంట్రోల్ రూమ్‌కు ఫోన్ చేసి చెప్పాడు. ఈ బెదిరింపు ఫోన్ కాల్ మంగళవారం వచ్చినట్లు తెలుస్తోంది. నాగ్‌పూర్ పోలీసులు వెంటనే అప్రమత్తమై ముంబై పోలీసులకు ఈ సమాచారాన్ని అందజేశారు.
ముంబైలోని జుహు, విలే-పార్లే, గమ్‌దేవి పోలీస్ స్టేషన్లకు చెందిన పోలీసులు వెంటనే అమితాబ్, ధర్మేంద్రల నివాసాల వద్ద తనిఖీలు చేశారు. అయితే అనుమానించదగిన వస్తువులేవీ కనిపించలేదు. ఈ ఆగంతకుడు మరో బెదిరింపు కూడా చేసినట్లు తెలుస్తోంది. ఉగ్రవాద దాడి చేయడం కోసం 25 మంది సాయుధులు ముంబైలోని దాదర్‌కు చేరుకున్నారని చెప్పినట్లు సమాచారం.
అమితాబ్‌కు ముంబైలో ఐదు విలాసవంతమైన బంగళాలు ఉన్నాయి. ధర్మేంద్రకు జుహూలో ఓ బంగళా ఉంది.
ఇవి కూడా చదవండి :
Lok Sabha Elections : బీజేపీకి గట్టి షాక్ ఇచ్చేందుకు పావులు కదుపుతున్న కమల్ హాసన్!
Rahul Gandhi : రాహుల్ గాంధీ న్యూ లుక్స్... చూసి తీరాల్సిందే...
Updated Date - 2023-03-01T13:03:03+05:30 IST