BJP to Congress: బీజేపీకి బిగ్ షాక్.. కాంగ్రెస్లో చేరిన సీనియర్ నేత
ABN, First Publish Date - 2023-10-21T11:26:20+05:30
బీజేపీ మాజీ ఎమ్మెల్యే పూర్ణిమ(Former BJP MLA Purnima) కాంగ్రెస్లో చేరారు. శుక్రవారం కేపీసీసీలో జరిగిన ప్రత్యేక కార్యక్రమంలో
బెంగళూరు, (ఆంధ్రజ్యోతి): బీజేపీ మాజీ ఎమ్మెల్యే పూర్ణిమ(Former BJP MLA Purnima) కాంగ్రెస్లో చేరారు. శుక్రవారం కేపీసీసీలో జరిగిన ప్రత్యేక కార్యక్రమంలో సీఎం సిద్దరామయ్య, డీసీఎం డీకే శివకుమార్‌(CM Siddaramaiah and DCM DK Shivakumar) ఆమెను సాదరంగా స్వాగతించారు. పూర్ణిమతో పాటు భర్త శ్రీనివాస్‌, మాజీ కార్పొరేటర్‌ నరసింహనాయక్‌ కాంగ్రెస్ కండువాలు వేశారు. సీఎం సిద్దరామయ్య మాట్లాడుతూ పూర్ణిమ బాల్యం నుంచి కాంగ్రె్‌సకు చెందినవారే అన్నారు. ఆమె తండ్రి ఎ.క్రిష్ణప్ప సుదీర్ఘకాలం పాటు కాంగ్రెస్లో ఎన్నో పదవుల్లో కొనసాగారని తెలిపారు. కొన్ని కారణాలతో క్రిష్ణప్ప పార్టీని వీడారన్నారు. పూర్ణిమ కాంగ్రెస్లోకి రావడం సంతోషంగా ఉందన్నారు. బీజేపీ మత రాజకీయాలు చేసే పార్టీ అన్నారు. డీకే శివకుమార్‌(DK Shivakumar) మాట్లాడుతూ కలిసి రాజకీయాలు చేశామని, కొన్ని కారణాలతో వారు మరో పార్టీలోకి వెళ్లారన్నారు. పూర్ణిమ, శ్రీనివాస్‌ దంపతులను కాంగ్రెస్లో చేర్చుకునేందుకు సుదీర్ఘకాలంగా ప్రయత్నించానని, నేటితో సాధ్యం కావడం సంతోషంగా ఉందన్నారు. కాంగ్రె్‌సలో చేరేవారి జాబితా ఎక్కువగా ఉందని ప్రస్తుతం చెప్పలేనన్నారు.
Updated Date - 2023-10-21T11:30:45+05:30 IST