Karnataka Polls: అలసిపోయి, ఓడిపోయిన కాంగ్రెస్‌ను ప్రజలు ఎన్నుకోరు: మోదీ
ABN, First Publish Date - 2023-04-29T19:38:00+05:30
తనకు ఇవే చివరి ఎన్నికలని, ఇక ప్రత్యక్ష రాజకీయాలకు దూరమవుతానని కాంగ్రెస్ సీనియర్ నేత,
బెంగళూరు: తనకు ఇవే చివరి ఎన్నికలని, ఇక ప్రత్యక్ష రాజకీయాలకు దూరమవుతానని కాంగ్రెస్ సీనియర్ నేత, మాజీ సీఎం సిద్దరామయ్య (Siddaramaiah) ఇటీవల చేసిన ప్రకటనపై ప్రధానమంత్రి నరేంద్రమోదీ (Narendra Modi) తీవ్రంగా స్పందించారు. అలసిపోయిన, ఓడిపోయిన కాంగ్రెస్ (Congress)ను ఇక ప్రజలు ఎన్నుకోరని, ఉత్సాహంతో నిండిన బీజేపీ (BJP)ని గెలిపిస్తారని అన్నారు.
కర్ణాటక(Karnataka)లోని విజయపురలో ఎన్నికల ప్రచార సభలో మోదీ మాట్లాడుతూ ఈ వ్యాఖ్యలు చేశారు. ‘రాష్ట్ర కాంగ్రెస్ నేత ఒకరు ఇవే తనకు చివరి ఎన్నికలని టూ ఓట్లు అడుగుతున్నారు’ అని ఎద్దేవా చేశారు. ప్రతిపక్షనేత సిద్దరామయ్య పేరు ప్రస్తావించకుండానే ప్రధాని ఈ విమర్శలు చేశారు. ఈసారి మెజారిటీతో బీజేపీ ప్రభుత్వం అనే నినాదం కర్ణాటకలోని మారుమూల నుంచి కూడా ప్రతిధ్వనిస్తోందని అన్నారు. కర్ణాటక అభివృద్ధికి బీజేపీ వద్ద కచ్చితమైన రోడ్‌ మ్యాప్‌ ఉందని పేర్కొన్నారు. కాంగ్రెస్‌కు రోడ్‌ మ్యాప్‌ కానీ, ఆ పార్టీలో ఉత్సాహం కానీ లేదని ప్రధాని విమర్శించారు.
Updated Date - 2023-04-29T19:38:00+05:30 IST