Snake Appears: సీఎం మీడియా సమావేశంలో పాము కలకలం
ABN, First Publish Date - 2023-08-21T14:42:19+05:30
ఛత్తీస్‌గఢ్ ముఖ్యమంత్రి భూపేష్ బఘెల్ సోమవారం మీడియా కాన్ఫరెన్స్‌లో మాట్లాడుతుండగా ఓ పాము కలకలం సృష్టించింది. సీఎం కాలిపక్కనుంచి పాము వెళ్తుండగా ఆయన భద్రతా సిబ్బంది సహా అక్కడున్న వారు ఒక్కసారిగా ఆందోళనకు గురయ్యారు. దానిని కొట్టి చంపేందుకు వారు ప్రయత్నంచగా సీఎం వారించారు.
రాయపూర్: ఛత్తీస్‌గఢ్ (Chhattisgarh) ముఖ్యమంత్రి భూపేష్ బఘెల్ (Bhupesh Baghel) సోమవారం మీడియా కాన్ఫరెన్స్‌లో మాట్లాడుతుండగా ఓ పాము కలకలం సృష్టించింది. సీఎం కాలిపక్కనుంచి పాము వెళ్తుండగా ఆయన భద్రతా సిబ్బంది సహా అక్కడున్న వారు ఒక్కసారిగా ఆందోళనకు గురయ్యారు. దానిని కొట్టి చంపేందుకు వారు ప్రయత్నంచగా సీఎం వారించారు. ఆ పాము విషకారి కాదని, భయపడాల్సిన పనేమీ లేదనీ, దానిని చంపవద్దని చెప్పారు. ఇలాంటి పాములు అక్కడక్కడా కనిపిస్తూనే ఉంటాయని అన్నారు. ప్లాస్టిక్ బ్యాగ్‌లో దానిని పట్టుకుని వేరే జాగాలో విడిచిపెట్టమని అక్కడకు చేరుకున్న అధికారులను ఆదేశించారు. అనంతరం వీడియో కాన్ఫరెన్స్ కొనసాగించారు.
నెటిజెన్ల కామెంట్..
ఈ ఘటనపై నెటిజెన్లు కొందరు సరదా కామెంట్లు చేశారు. నాగపంచమి సందర్భంగా సీఎంను గ్రీట్ చేయడానికి పాము వచ్చిందని కొందరు వ్యాఖ్యానించగా, జంతువుల పట్ల భూపేష్ బఘెల్‌కు ఉన్న ప్రేమను కొందరు అభినందించారు.
Updated Date - 2023-08-21T14:42:19+05:30 IST