Viral Video: వామ్మో.. వీడసలు స్టూడెంటేనా..? వీధి రౌడీ కంటే దారుణంగా ఉన్నాడుగా..!
ABN, First Publish Date - 2023-02-26T11:04:03+05:30
అగ్రరాజ్యం అమెరికాలోని ఫ్లోరిడాలో (Florida) దారుణం జరిగింది.
ఫ్లోరిడా: అగ్రరాజ్యం అమెరికాలోని ఫ్లోరిడాలో (Florida) దారుణం జరిగింది. హై స్కూల్ విద్యార్థి (High School Student) టీచర్ పట్ల అత్యంత కిరాతకంగా ప్రవర్తించాడు. తనకు పాఠాలు చెప్పే గురువు అని కూడా చూడకుండా టీచర్‌పై పిడిగుద్దులతో విరుచుకుపడ్డాడు. పాపం.. స్టూడెంట్ దెబ్బలకు తాళలేక ఆమె సొమ్మసిల్లి పడిపోయింది. అయినా విడిచిపెట్టకుండా కొట్టాడు. ఈ ఘటన తాలూకూ వీడియో తాజాగా బయటకు రావడంతో వైరల్‌గా మారింది. అది కాస్త పోలీసులకు చేరడంతో సదరు విద్యార్థిని (Student) పోలీసులు అదుపులోకి తీసుకున్నారు. ఫ్లోరిడా పోలీసులు (Florida Police) తెలిపిన వివరాల ప్రకారం.. ఫ్లోరిడాలోని మతాంజాస్ హై స్కూల్‌లో గత మంగళవారం ఈ ఘటన చోటు చేసుకుంది. పామ్ కోస్ట్‌కు చెందిన 17ఏళ్ల స్కూల్ విద్యార్థి క్లాస్ రూంలో వీడియో గేమ్ ఆడుతుండటం గమనించిన ఓ టీచర్ అతడి వద్ద నుంచి దాన్ని లాగేసుకుంది.
అంతే.. ఆ విద్యార్థి ఒక్కసారిగా కోపంతో ఊగిపోయాడు. తన వద్ద నుంచి వీడియో గేమ్ పరికరాన్ని (Nintendo Switch) తీసుకుని వెళ్తున్న ఉపాధ్యాయురాలిని విద్యార్థి వెనుక నుంచి పరుగెత్తుకువెళ్లి మొదట ఆమెను కింద పడేశాడు. ఆ తర్వాత వీపు, మెడ, తల భాగాలపై పిడుగుద్దులతో విరుచుకుపడ్డాడు. అది గమనించిన మిగతా టీచర్లు, విద్యార్థులు అతడి నుంచి ఆమెను విడిపించేందుకు ప్రయత్నించారు. అయినా అతడు ఆగలేదు. విద్యార్థి దెబ్బలకు టీచర్ (Teacher) సొమ్మసిల్లి పడిపోయింది. వెంటనే ఆమెను చికిత్స కోసం సమీపంలోని ఆతస్పత్రికి తరలించారు. ఆ తర్వాత ఘగటన తాలూకు వీడియో బయటకు రావడం, పోలీసుల కంటపడడంతో సదరు విద్యార్థిని అదుపులోకి తీసుకుని కటకటాల్లోకి నెట్టారు.
ఇది కూడా చదవండి: 70 దేశాల వారికి 'వీసా ఆన్ అరైవల్' సౌకర్యం.. 6నెలల వరకు స్టే చేసే ఫేసిలిటీ.. కానీ, మనోళ్లకు మాత్రం..
Updated Date - 2023-02-26T14:10:41+05:30 IST