China Visas to Indians: ఈ ఏడాది మొదటి 6నెలల్లోనే 71వేలకు పైగా వీసాలు మంజూరు చేసిన డ్రాగన్ కంట్రీ..!
ABN, First Publish Date - 2023-07-13T08:05:16+05:30
డ్రాగన్ కంట్రీ చైనా ఈ ఏడాది భారతీయ పౌరులకు (Indian Citizens) భారీ మొత్తంలో వీసాలు జారీ చేసింది.
ఎన్నారై డెస్క్: డ్రాగన్ కంట్రీ చైనా ఈ ఏడాది భారతీయ పౌరులకు (Indian Citizens) భారీ మొత్తంలో వీసాలు జారీ చేసింది. 2023 మొదటి అర్ధ భాగంలోనే ఏకంగా 71,600 వీసాలు మంజూరు చేయడం విశేషం. ఈ మేరకు భారత్‌లోని చైనా రాయబార కార్యాలయం ప్రతినిధి వాంగ్ జియోజియాన్ (Wang Xiaojian) ట్వీట్ చేశారు. బిజినెస్, పర్యాటకం, అధ్యాయనం, ఇతర పనుల నిమిత్తం భారతీయులకు (Indians) ఇలా అధిక సంఖ్యలో వీసాలు (Visas) జారీ చేసినట్లు తన ట్వీట్‌లో పేర్కొన్నారు. అలాగే చైనీయులపై విధించిన వీసా పరిమితులను ఇండియా త్వరగా ఎత్తివేయాలని ఆయన కోరారు. ఇరు దేశాల మధ్య ప్రజల రాకపోకలను సాధ్యమైనంత త్వరగా పున:ప్రారంభించాలని ఎదురుచూస్తున్నట్ల వాంగ్ చెప్పుకొచ్చారు.
ఇక ఈ ఏడాది మొదటి ఐదు నెలల్లోనే చైనీస్ ఎంబసీ, కాన్సులేట్ జనరల్ భారతీయులకు 60వేల వీసాలు జారీ చేసినట్లు వాంగ్ ట్వీట్ చేశారు. వీటిలో టూరిజం, బిజినెస్, స్టడీ, వర్క్, ఫ్యామిలీ రీయూనియన్ వంటి వివిధ రకాల పనుల కోసం భారతీయ పౌరులను చైనాలోకి ఆహ్వానించేందుకు వీసాలు మంజూరు చేశామని ఆయన తెలిపారు. ఇక ఈ ఏడాది మార్చిలోనే భారత్ సహా విదేశీ సందర్శకులను (Foreign Tourists) దేశంలోకి ప్రవేశించేందుకు అనుమతి ఇస్తున్నట్లు డ్రాగన్ కంట్రీ ప్రకటించిన విషయం తెలిసిందే. అంతేగాక 2020 మార్చి 28 కంటే ముందు జారీ చేసిన చైనీస్ వీసాలు (Chinese Visas) చెల్లుబాటు అయ్యేలా వాటి గడువును తిరిగి పునరుద్ధరించడం జరుగుతుందని కూడా చైనా రాయబార కార్యాలయం ఆ సమయంలో ప్రకటించింది. ఇదిలాఉంటే.. ప్రస్తుతం ఇండియాలోని చైనీస్ ఎంబసీ, కాన్సులేట్ జనరల్ వివిధ రకాల వీసాల జారీని ప్రారంభించింది. చైనీస్ వీసా దరఖాస్తుతో పాటు ఇతర వివరాల కోసం చైనీస్ రాయబారకార్యాలయం అధికారిక వెబ్‌సైట్‌లో ఉన్న అప్‌డేటేడ్ నోటీస్‌ను చూడాలని కోరింది.
Passport: విదేశీ పర్యటనకు పాస్‌పోర్ట్ అనేది తప్పనిసరి.. కానీ, ఈ ముగ్గురికి మాత్రం అది అవసరం లేదు.. వారెవరో తెలుసా..?
Updated Date - 2023-07-13T08:05:16+05:30 IST