Expats: ప్రవాసుల కోసం కువైత్ బాగానే వెచ్చిస్తుందిగా.. గతేడాది ఏకంగా..
ABN, First Publish Date - 2023-09-01T08:02:21+05:30
గల్ఫ్ దేశం కువైత్ (Kuwait) లో ప్రవాసులు భారీ సంఖ్యలో ఉపాధి పొందుతున్నారనే విషయం తెలిసిందే. ఇంకా చెప్పాలంటే ఆ దేశ జనాభా కంటే కూడా వలసదారులే అధికం. అందులోనూ భారతీయ ప్రవాసులు (Indian Expats) భారీగా ఉన్నట్లు అక్కడి గణాంకాలు తెలియజేస్తున్నాయి.
కువైత్ సిటీ: గల్ఫ్ దేశం కువైత్ (Kuwait) లో ప్రవాసులు భారీ సంఖ్యలో ఉపాధి పొందుతున్నారనే విషయం తెలిసిందే. ఇంకా చెప్పాలంటే ఆ దేశ జనాభా కంటే కూడా వలసదారులే అధికం. అందులోనూ భారతీయ ప్రవాసులు (Indian Expats) భారీగా ఉన్నట్లు అక్కడి గణాంకాలు తెలియజేస్తున్నాయి. ఇక తాజాగా వెలువడిన ప్రభుత్వ డేటా ప్రకారం ఈ గల్ఫ్ దేశం ప్రవాసుల కోసం బాగానే వెచ్చిస్తున్నట్లు తెలిసింది. ప్రభుత్వ ఉద్యోగాలు (Govt Jobs) చేసి పదవీ విరమణ పొందిన తర్వాత ఇచ్చే బెనిఫిట్స్, ఇతర నష్ట పరిహారాల రూపంలో 2022-23 ఆర్థిక సంవత్సరంలో ఎంత ఖర్చు చేసిందనే అధికారిక గణాంకాలు తాజాగా విడులయ్యాయి. ఈ నివేదిక ప్రకారం సర్వీస్ బెనిఫిట్స్ రూపంలో నాన్-కువైటీల (Non-Kuwaitis) కోసం గత ఆర్థిక సంవత్సరంలో కువైత్ ఏకంగా 31.47 మిలియన్ కువైటీ దినార్లు (సుమారు రూ.831కోట్లు) చెల్లించిందట.
అలాగే ఉద్యోగ ఒప్పందాలు, సంబంధిత నిర్ణయాలు, సివిల్ సర్వీస్ లా నం. 15/1979 కార్యనిర్వాహక నిబంధనలు మరియు గల్ఫ్ సహకార మండలి ఆమోదించిన అనుబంధ సంస్థలను నియంత్రించే నిబంధనలకు అనుగుణంగా బోనస్‌లు చెల్లించినట్లు ఈ నివేదిక ధృవీకరించింది. ఇక అధికారిక గణాంకాల ప్రకారం 2022-2023 ఆర్థిక సంవత్సరానికి గాను కార్మికుల పరిహారం (Workers Compensation) కోసం కువైత్ ఖర్చు చేసిన మొత్తం KD8.502 బిలియన్లకు (రూ.21,44,00,38,08,800) చేరింది. అదనంగా నాన్-కువైటీల ఆరోగ్య బీమా (Health insurance) కోసం గత ఆర్థిక సంవత్సరంలో వెచ్చించిన వ్యయం KD4.6 మిలియన్లు (సుమారు రూ.123కోట్లు) అని తెలిసింది. ఇలా గల్ఫ్ దేశం కువైత్ 2022-23 ఆర్థిక సంవత్సరంలో వలస కార్మికుల కోసం భారీ మొత్తంలో ఖర్చు చేసింది.
Kuwait: దేశం నుంచి వెళ్లగొడుతున్న ప్రవాసుల విషయంలో కువైత్ మరో కీలక నిర్ణయం..!
Updated Date - 2023-09-01T08:04:08+05:30 IST