Jackpot: ప్రపంచ చరిత్రలోనే అతిపెద్ద లాటరీ.. 16వేల కోట్లు గెలిచిన అమెరికన్.. ప్రైజ్‌మనీతో ఏం చేస్తున్నాడో తెలిస్తే..!
ABN, First Publish Date - 2023-03-10T08:10:05+05:30
ప్రపంచ చరిత్రలోనే అతిపెద్ద లాటరీని గెలుచుకున్న ఆయన.. ఆ సొమ్ముతో విలాసవంతంగా జీవిస్తున్నారు.
200 కోట్లతో విలాసవంతమైన భవనం కొనుగోలు
కాలిఫోర్నియా, మార్చి 9: ప్రపంచ చరిత్రలోనే అతిపెద్ద లాటరీని గెలుచుకున్న ఆయన.. ఆ సొమ్ముతో విలాసవంతంగా జీవిస్తున్నారు. అమెరికాలోని కాలిఫోర్నియాకు చెందిన ఎడ్విన్‌ క్యాస్ట్రో గత నెలలో ఏకంగా 2.04 బిలియన్‌ డాలర్ల (రూ.16 వేల కోట్లకు పైగా) లాటరీ గెలుచుకున్నారు. దీంతో ఆయన జీవితమే మారిపోయింది. తాజాగా 25.5 మిలియన్‌ డాలర్లు (రూ.200 కోట్లకు పైగా) ఖర్చు పెట్టి అత్యంత విలాసవంతమైన పెద్ద భవనం కొనుక్కున్నారు. ఇందులో ఐదు బెడ్‌ రూమ్‌లు, ఆరు బాత్‌రూమ్‌లున్నాయి. అలాగే పెద్ద ఈత కొలను, థియేటర్‌, వైన్‌ సెల్లార్‌, గేమ్‌ రూమ్‌, జిమ్‌ కూడా ఉన్నాయి. కాగా, ఈ లాటరీ ఫ్రైజ్‌మనీ ఎంతనేది ముందుగా చెప్పరు.. టికెట్ల అమ్మకాలు, పోటీ వంటి అంశాల ఆధారంగా లాటరీ మొత్తాన్ని నిర్వాహకులు నిర్ణయిస్తారు. అమెరికాలోని 45 రాష్ట్రాల్లో కాలిఫోర్నియా లాటరీ నిర్వాహకులు పవర్‌ బాల్‌ జాక్‌ పాట్‌ పేరుతో లాటరీ ఆడిస్తుంటారు. ఇందులోనే ఎడ్విన్‌కు అదృష్టం వరించింది. ఇంతకు ఎడ్విన్‌ ఎంతకు లాటరీ కొన్నారో తెలుసా.. కేవలం 2 డాలర్ల (రూ.165)కు మాత్రమే..
ఇది కూడా చదవండి: ఇండియాలో పసిడి విక్రయాలపై కొత్త నిబంధన.. దుబాయిలో సేల్స్‌పై ప్రభావం చూపనుందా..? నిపుణులు చెబుతున్నదేమిటంటే..
Updated Date - 2023-03-10T08:10:45+05:30 IST