NRI: 'దీపావళి'కి మిషిగన్ రాష్ట్ర గుర్తింపు
ABN, First Publish Date - 2023-11-02T08:43:52+05:30
ప్రేమ, కారుణ్యం, ఆశావాదానికి చిహ్నంగా దీపావళి పండుగకు విశిష్ట ప్రాధాన్యత ఉందని దానిని గుర్తించడం గొప్ప గౌరవంగా భావిస్తున్నామని అమెరికాలోని మిషిగన్ సెనేట్ పేర్కొంది.
NRI: ప్రేమ, కారుణ్యం, ఆశావాదానికి చిహ్నంగా దీపావళి పండుగకు విశిష్ట ప్రాధాన్యత ఉందని దానిని గుర్తించడం గొప్ప గౌరవంగా భావిస్తున్నామని అమెరికాలోని మిషిగన్ సెనేట్ పేర్కొంది. రిపబ్లికన్ సెనేటర్ మైకేల్ వెబ్బర్ దీపావళిని గుర్తించవల్సిందిగా ప్రవేశపెట్టిన 79వ ప్రతిపాదనకు సభ్యులు ఏకగ్రీవంగా ఆమోదం తెలిపారు. ప్రపంచవ్యాప్తంగా 100కోట్ల మందికి పైగా జరుపుకునే ఈ పండుగకు మిషిగన్ రాష్ట్ర సెనేట్ గుర్తింపు లభించడం పట్ల ప్రవాస భారతీయులు హర్షం వ్యక్తం చేశారు. సెనేటర్ వెబ్బర్‌ను కలిసి ధన్యవాదాలు తెలిపారు. ఈ కార్యక్రమంలో తానా అధ్యక్షుడు శృంగవరపు నిరంజన్ తదితరులు పాల్గొన్నారు.
Updated Date - 2023-11-02T08:46:25+05:30 IST