NRI: విదేశాల నుంచి తిరిగొచ్చిన కొన్ని గంటలకే ఎన్నారై ఘాతుకం.. భార్యతో వాగ్వాదం.. తర్వాత జరిగిందో ఘోరం!
ABN, First Publish Date - 2023-11-01T09:46:27+05:30
ఇటలీ నుండి స్వదేశానికి తిరిగొచ్చిన గంటల వ్యవధిలోనే ఓ ఎన్నారై ఘాతుకానికి పాల్పడ్డాడు. ఇంటికి వచ్చిన కొద్దిగంటల్లోనే భార్యను అత్యంత కిరాతకంగా హతమార్చి పరారయ్యాడు.
ఎన్నారై డెస్క్: ఇటలీ నుండి స్వదేశానికి తిరిగొచ్చిన గంటల వ్యవధిలోనే ఓ ఎన్నారై ఘాతుకానికి పాల్పడ్డాడు. ఇంటికి వచ్చిన కొద్దిగంటల్లోనే భార్యను అత్యంత కిరాతకంగా హతమార్చి పరారయ్యాడు. భార్యను తన ఇంట్లోనే ఆమె తలను నేలకేసి కొట్టి చంపేసినట్లు పోలీసులు మంగళవారం తెలిపారు. ఆ తర్వాత ఇంటి నుంచి పరారైనట్లు చెప్పారు. ప్రస్తుతం పరారీలో ఉన్న నిందితుడి కోసం పోలీసులు గాలిస్తున్నారు. ఈ హత్యోదంతంపై కపుర్తలా పోలీస్ అధికారి వత్సల గుప్తా మాట్లాడుతూ.. నిందితుడిని సుఖ్‌దేవ్ సింగ్‌ (Sukhdev Singh) గా గుర్తించామన్నారు. అతడు ఎన్నారై అని, సోమవారం ఇటలీ నుండి స్వగ్రామం సంధు చాతా (Sandhu Chatha) లోని తన ఇంటికి తిరిగి వచ్చాడని తెలిపారు.
Qatar Weird Laws: 8 మంది భారతీయులకు ఉరిశిక్ష విధించిన ఖతర్‌‌లో.. చట్టాలు మరీ ఇంత కఠినమా..? అసలు ఏమేం చేయకూడదంటే..!
ఇక సుఖ్‌దేవ్ స్వదేశానికి తిరిగి వచ్చిన రోజే తన భార్య హర్‌ప్రీత్ కౌర్ (Harpreet Kaur) తో ఏదో విషయంపై తీవ్ర వాగ్వాదానికి దిగినట్లు తెలిపారు. దాంతో కోపోద్రిక్తుడైన సుఖ్‌దేవ్.. భార్యను తన గదిలోకి లాక్కెళ్లాడు. ఆ తర్వాత ఆమె తలను నేలకేసి పదే పదే కొట్టాడు. దీంతో ఆమె అక్కడికక్కడే చనిపోయిందని ఆయన తెలిపారు. ఆమె చనిపోయిందని నిర్ధారించుకున్న తర్వాత నిందితుడు అక్కడి నుంచి పరారయ్యాడని చెప్పారు. ప్రస్తుతం పరారీలో ఉన్న నిందితుడిపై హత్య కేసు నమోదు చేశామని పోలీస్ అధికారి వత్సల గుప్తా తెలిపారు. అతడిని పట్టుకునేందుకు ప్రయత్నిస్తున్నామని పోలీసులు చెప్పారు.
Kuwait: తగ్గేదేలే.. 3నెలల్లో 12వేల మంది ప్రవాసుల దేశ బహిష్కరణ!
Updated Date - 2023-11-01T09:46:27+05:30 IST