Yuvagalam Padayatra: లోకేష్ పాదయాత్రలో ఎన్నారై టీడీపీ యూకే యూరోప్ కార్యక్రమాలు
ABN, First Publish Date - 2023-02-04T09:43:35+05:30
ఎన్నారై యూకే (NRI UK), యూరోప్ (Europe) విభాగం నుంచి తెలుగుదేశం ముఖ్య నాయకులూ శ్యామ సుందర్ ఊట్ల (పూతపట్టు నియోజకవర్గం పోటుకనుమ గ్రామస్థులు), వివేక్ కరియవుల పూతపట్టు నియోజకవర్గంలో గత 3 సంవత్సరాల నుంచి సేవా కార్యక్రమాలు పెద్ద ఎత్తున చేస్తున్నారు.
ఎన్నారై డెస్క్: ఎన్నారై యూకే (NRI UK), యూరోప్ (Europe) విభాగం నుంచి తెలుగుదేశం ముఖ్య నాయకులూ శ్యామ సుందర్ ఊట్ల (పూతపట్టు నియోజకవర్గం పోటుకనుమ గ్రామస్థులు), వివేక్ కరియవుల పూతపట్టు నియోజకవర్గంలో గత 3 సంవత్సరాల నుంచి సేవా కార్యక్రమాలు పెద్ద ఎత్తున చేస్తున్నారు. గతంలో కార్యకర్తల మీద దాడులు జరిగితే అండగా ఉండి న్యాయ సహాయం చేశారు. పార్టీ పిలుపు ఇచ్చిన ప్రతి కార్యక్రమాన్నీ ఇక్కడ చేస్తున్నారు. ఇదే బాటలో కొన్ని నియోజకవర్గాలని వీరు ఎంచుకుని ఒక ప్రణాళిక ద్వారా అమలు పరుస్తున్నారు. ఈ మూడు రోజులు పార్టీ వాలంటీర్స్‌కి అలానే కొన్ని మండల ముఖ్య కేంద్రాలలో ఫుడ్ డిస్ట్రిబ్యూషన్ తమ పరిధిలో ఏర్పాటు చేశారు. 3, 4, 5 తేదీలలలో పూతలపట్టులో ఏర్పాటు చేశారు. అలానే మరల నగరిలోకి వెళ్లగానే అక్కడ కూడా భారీఎత్తున సేవా కార్యక్రమాలు చేయ్యటానికి తమ వంతు సహాయం చేస్తున్నారు. జన్మ భూమికి మేము సైతం అని వీరు చేస్తున్న కార్యక్రమాలు మరింత మందికి ఆదర్శప్రాయం.
గతంలో తిత్లీ తుఫాన్‌లోనూ, అలాగే ఉక్రెయిన్‌లో బాధితులకి సహాయం చెయ్యడంలో కూడా ముందుండి పార్టీ ఆదేశాల మేరకు సేవా కార్యక్రమాలు చేస్తున్నారు. విదేశాలకి వచ్చిన స్టూడెంట్స్‌కి తమ పరిధి మేరకు సహాయం చేయ్యడం, అలానే మంచి ఉద్యోగాలు ఇప్పించటంలో యూరప్‌లో మొదటి నుంచి బాగా పని చేశారు. ఇక్కడ తెలుగుదేశం కార్యకర్తలకి సోషల్ మీడియా ట్రైనింగ్, ఇతర ట్రైనింగ్స్ ఇచ్చేలా ఒక్కో నియోజకవర్గానికి ఒక్కో స్ట్రాటజీతో ముందుకు వెళుతున్నారు. తెలుగుదేశం వస్తేనే యువతకి భవిత... లేకపోతే మరో 30 ఏళ్ళు వెనక్కి పోతారు అని ప్రచారం చేస్తూ తమ వంతుగా అక్కడ పార్టీకి ఉపయోగపడే విధంగా ముందుకు కొనసాగుతున్నారు.
యువ నాయకుడు లోకేష్ సుదీర్ఘ యువగళం పాదయాత్ర ద్వారా ప్రజలకు మరింత చేరువయ్యే, తెలుగుదేశం పార్టీని విజయతీరాలకు చేర్చాలని కోరుకుంటూ ధృడమైన ఆశాభావం వ్యక్తం చేశారు. పాదయాత్రకు సంపూర్ణ మద్దతు ప్రకటిస్తూ ఈ 400 రోజుల్లో తమ పరిధి మేరకు కొన్ని నియోజక వర్గాలలో ఈ కార్యక్రమాలు కొనసాగిస్తున్నామని తెలిపారు. డా. కిషోర్ బాబు చలసాని, కృష్ణ వల్లూరి, శ్రీనివాస్ గోగినేని, కృష్ణ ప్రసాద్, అమర్నాథ్ పొట్లూరి, వేంకటపతి, ప్రవీణ్ ఉన్నం, ప్రవీణ్ వెలువోలు, కొండయ్య కావూరి, శివ కృష్ణ, సుమంత్ పద్మాల, వివిధ NRI సభ్యులందరూ కలిసి ఈ కార్యక్రమాలకు తమ వంతు సహాయం అందిస్తున్నారు.
Updated Date - 2023-02-04T09:46:19+05:30 IST