Snake vs Dogs: శునకాల రాజ్యంలోకి పాము ఎంట్రీ.. బుసలు కొట్టి బెదిరించినా కుక్క పిల్లలూ భయపడలేదు.. చివరకు..!
ABN, First Publish Date - 2023-07-07T18:50:44+05:30
చీమా చీమా ఎందుకు కుట్టావు అంటే.. నా బంగారు పుట్టలో వేలు పెడితే కుట్టనా అని చీమ అన్నట్లు.. అనవసరంగా కెలికితే కొన్నిసార్లు పిల్లి కూడా పులి అవుతుంది. దాడి చేయాలని పోయి.. చివరకు తోక ముడిచి పారిపోయిన పులులు, సింహాలను చూశాం. మరికొన్ని సార్లు వాటి చేతిలోనే...
చీమా చీమా ఎందుకు కుట్టావు అంటే.. నా బంగారు పుట్టలో వేలు పెడితే కుట్టనా అని చీమ అన్నట్లు.. అనవసరంగా కెలికితే కొన్నిసార్లు పిల్లి కూడా పులి అవుతుంది. దాడి చేయాలని పోయి.. చివరకు తోక ముడిచి పారిపోయిన పులులు, సింహాలను చూశాం. మరికొన్ని సార్లు వాటి చేతిలోనే ప్రాణాలు వదిలిన క్రూర జంతువులను కూడా చూశాం. ఇలాంటి వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం కుక్కలు, పాముకు సంబంధించిన వీడియో ఒకటి నెట్టింట తెగ వైరల్ అవుతోంది. శునకాల రాజ్యంలోకి ఎంట్రీ ఇచ్చిన పాము.. కుక్క పిల్లలను కాటేయాలని చూసింది. చివరకు ఏం జరిగిందంటే...
సోషల్ మీడియాలో ఓ వీడియో (Viral video) తెగ వైరల్ అవుతోంది. కొన్ని కుక్కలు (dogs) తమ పిల్లలతో కలిసి చెట్టు నీడన సేదతీరుతూ ఉంటాయి. ఆ సమయంలో పక్కన ఉన్న చెట్టు పొదల్లో నుంచి ఓ పాము (snake) అక్కడికి వస్తుంది. కుక్క పిల్లలను కాటేయాలని చూస్తుంది. అక్కడే ఉన్న పెద్ద కుక్క దాన్ని గమనించి, నోటితో పట్టుకుని నేలకేసి కొడుతుంది. దీంతో అక్కడి నుంచి పారిపోతున్న పామును వెంబడించి మరీ పట్టుకున్న కుక్క.. మళ్లీ నోటితో పట్టుకుని వచ్చి విసిరికొడుతుంది. పక్కనే ఉన్న రెండు కుక్కలు కూడా (Dog attack on snake) పాము పైకి దాడికి దిగుతాయి. దాని కాటు నుంచి తప్పించుకుంటూ తోక పట్టుకుని విసిరికొడుతుంటాయి.
ఈ క్రమంలో పాము కుక్క పిల్లలను కాటు వేయాలని ప్రయత్నిస్తుంది. దీంతో కుక్కలకు చిర్రెత్తుకొచ్చి చివరగా నొటితో గట్టిగా పట్టుకుని విదిలించి కొడతాయి. ఈ దాడిలో చివరకు పాము ప్రాణాలు కోల్పోతుంది. చనిపోయిందని నిర్ధారించుకునే వరకూ మూడు కుక్కలు కలిసి పాముపై దాడి చేస్తూనే ఉంటాయి. ఈ ఘటన మొత్తం అక్కడే ఉన్న వ్యక్తి వీడియో తీసి, సోషల్ మీడియాలో షేర్ చేశాడు. ఈ వీడియో ప్రస్తుతం నెట్టింట తెగ హల్‌చల్ చేస్తోంది. దీనిపై నెటిజన్లు వివిధ రకాలుగా స్పందిస్తున్నారు. ‘‘పిల్లలను రక్షించుకునేందుకు కుక్కలు చేసిన సాహసం సూపర్’’.. అంటూ కామెంట్లు చేస్తున్నారు. ఈ వీడియో ప్రస్తుతం లక్షల్లో వ్యూస్‌ను సొంతం చేసుకుంది.
Updated Date - 2023-07-07T18:50:44+05:30 IST