పామును పట్టుకునేందుకే భయపడతారు.. ఇతడు ఏకంగా బతికున్న పాము తలనే నోట్లో పెట్టుకున్నాడు.. చివరకు షాకింగ్ సీన్..!
ABN, First Publish Date - 2023-02-09T16:15:33+05:30
కొందరు అందరి మందూ హీరోయిజం చూపించాలనే తాపత్రయంలో చివరకు ప్రమాదాలు కొని తెచ్చుకుంటుంటారు. సోషల్ మీడియా అందుబాటులోకి వచ్చాక.. ఫేమస్ అవ్వాలనే ఉద్దేశంతో మరికొందరు చిత్రవిచిత్రమైన పనులు చేస్తున్నారు. ఇంకొందరైతే..
కొందరు అందరి మందూ హీరోయిజం చూపించాలనే తాపత్రయంలో చివరకు ప్రమాదాలు కొని తెచ్చుకుంటుంటారు. సోషల్ మీడియా అందుబాటులోకి వచ్చాక.. ఫేమస్ అవ్వాలనే ఉద్దేశంతో మరికొందరు చిత్రవిచిత్రమైన పనులు చేస్తున్నారు. ఇంకొందరైతే మద్యం మత్తులో ఏం చేస్తున్నారో వారికే తెలీకుండా ప్రవర్తిస్తూ.. నెట్టింట ట్రెండింగ్ అవుతుంటారు. ప్రస్తుతం ఓ యువకుడికి సంబంధించిన వీడియో తెగ వైరల్ అవుతోంది. పామును పట్టుకునేందుకు అంతా భయపడితే.. ఇతను ఏకంగా మెడలో వేసుకుని దాని తలను నోట్లో కూడా పెట్టుకున్నాడు. ఈ ఘటనలో చివరకు ఏం జరిగిందంటే..
బీహార్ (Bihar) సివాన్ జిల్లా మైర్వా పరిధి తిత్రా గ్రామంలో ఈ ఘటన చోటు చేసుకుంది. స్థానిక ప్రాంతానికి చెందిన ఇంద్రజిత్ రామ్(30) అనే యువకుడు మద్యానికి బానిస (Alcoholic) అయ్యాడు. మంగళవారం ఫుల్‌గా మద్యం తాగి గ్రామంలో సంచరిస్తూ ఉండగా.. అతడికి ఓ నాగు పాము (Cobra) అతడి కంట పడింది. వెంటనే అతడిలోని మందుబాబు బయటికి వచ్చాడు. అది విష సర్పం అనే విషయం కూడా మర్చిపోయి.. దాని వద్దకు వెళ్లి హీరోయిజం చూపించాడు. ఇంతలో గ్రామస్తులంతా అక్కడ గుమికూడారు. దీంతో ఇంద్రజిత్ మరింత రెచ్చిపోయాడు. అందరి ముందూ హీరోలా ఫీలయిపోయాడు.
ప్రియుడికి వేరే అమ్మాయితో పెళ్లి.. తనతో మాట్లాడటమే మానేశాడని ఓ యువతి అనూహ్య నిర్ణయం.. ఓ లేఖ రాసి..
ఏ పాములూ నన్ను ఏమీ చేయలేవంటూ.. పామును ముద్దు పెట్టేందుకు ప్రయత్నించాడు. పాము పడగ విప్పి బుస కొట్టినా వదలకుండా పట్టుకుని మెడలో వేసుకున్నాడు. ఈ క్రమంలోనే పాము అతన్ని పలుమార్లు కాటు (snake bite) వేసింది. కానీ మద్యం మత్తులో ఉన్న అతను ఇవేవీ పట్టించుకోలేదు. పక్కనున్న వారు కూడా పామును చూసి భయపడి.. అతన్ని వారించే ప్రయత్నం చేయలేదు. పామును మెడలో వేసుకున్న ఇంద్రజిత్.. అంతటితో ఆగకుండా ఏకంగా దాని తలను నోట్లోనే పెట్టుకున్నాడు. ఈ క్రమంలో అతడి పెదవి, నాలుకపై కూడా కాట్లు పడ్డాయి.
Viral Video: షూ నుంచి పొడుచుకు వచ్చిన పాములు.. తీరా దగ్గరికి వెళ్లి చూస్తే.. ఆశ్చర్యకరంగా..
దీంతో కొద్ది సేపటికే ఇంద్రజిత్ అపస్మారక స్థితికి (unconsciousness) చేరకున్నాడు. తర్వాత గ్రామస్తులు అతన్ని చికిత్స నిమిత్తం స్థానిక ఆస్పత్రికి తరలించారు. అయితే అప్పటికే అతను మృతి (died) చెందినట్లు వైద్యులు తెలిపారు. ఈ ఘటనకు సంబంధించిన వీడియోలు, ఫొటోలు సోషల్ మీడియాలో తెగ వైరల్ (Viral photos and videos) అవుతున్నాయి. విష సర్పాలతో ఇలాంటి చెలగాటాలు అసలు ఆడొద్దని నిపుణులు హెచ్చరిస్తున్నారు. మద్యం మత్తులో పాపం ప్రాణం మీదకు తెచ్చుకున్నాడు.. అంటూ నెటిజన్లు కామెంట్లు పెడుతున్నారు.
Updated Date - 2023-02-09T16:15:52+05:30 IST