Viral Video: పుట్టగొడుగుల సూప్ ఆర్డర్ చేశాడు.. తింటుంటే అందులో వింత ఆకారం కనిపించింది.. ఏంటా అని చూస్తే..!
ABN, First Publish Date - 2023-09-07T12:13:34+05:30
ఇప్పుడు ఏదైనా వెరైటీ వంటకం తినాలి అనిపిస్తే చాలు.. వెంటనే నచ్చిన రెస్టారెంట్ నుంచి ఆర్డర్ తెప్పించుకోవడం పరిపాటిగా మారింది. ఎన్నో డెలివరీ సంస్థలు కావాల్సిన ఆహారాన్ని ఇంటి వద్దకే ఇన్‌టైమ్‌లో డెలివరీ చేస్తున్నాయి.
Viral Video: ఇప్పుడు ఏదైనా వెరైటీ వంటకం తినాలి అనిపిస్తే చాలు.. వెంటనే నచ్చిన రెస్టారెంట్ నుంచి ఆర్డర్ తెప్పించుకోవడం పరిపాటిగా మారింది. ఎన్నో డెలివరీ సంస్థలు కావాల్సిన ఆహారాన్ని ఇంటి వద్దకే ఇన్‌టైమ్‌లో డెలివరీ చేస్తున్నాయి. అయితే ఇలా కొన్ని కొన్ని సార్లు రెస్టారెంట్ నుంచి డెలివరీ అయిన ఆహారం ఇష్టంగా తింటుంటే ఊహించని షాక్‌లు తగులుతూ ఉంటాయి. రెస్టారెంట్ సిబ్బంది ఆహారం తయారీ సమయంలో నిర్లక్ష్యంగా ఉండడం వల్ల పాములు, బల్లులు, ఎలుకలు లాంటివి బయటపడుతున్న ఘటనలు కూడా తరుచూ వెలుగులోకి వస్తున్నాయి.
ఇక ఇదే కోవకు చెందిన వీడియోలు సామాజిక మాధ్యమాల్లో చాలానే ప్రత్యక్షమవుతున్నాయి కూడా. ఇక్కడ మనం చెప్పుకోబోయే యూకే వాసి సామ్ హేవార్డ్ (Sam Hayward) కి సైతం అలాంటి చేదు అనుభవమే ఎదురైంది. గర్ల్‌ఫ్రెండ్‌ ఆడిగిందని ఎంతో ఇష్టంగా అతడు చైనీస్ రెస్టారెంట్ నుంచి పుట్టగొడుగుల సూప్ (mushroom noodle soup) ను ఆర్డర్ చేశాడు. అలా ఆర్డర్ చేసిన కొద్దిసేపటికే డెలవరీ బాయ్ వచ్చాడు. ఎంతో ఇష్టపడి తెప్పించుకున్న ఆ ఫుడ్ పార్శిల్ ఓపెన్ చేసి ఆ జంట తినడం మొదలుపెట్టింది. కానీ, ఇంతలో సామ్‌కు తన బౌల్‌లోని సూప్‌లో ఒక వింత ఆకారం కనిపించింది. ఏంటా అని చూసి ఒక్కసారిగా నిర్ఘాంతపోయాడు.
ముందు ఆ ఆకారం తాలూకు తోక కనిపించింది. ఆ తోక పట్టుకుని పైకి లేపితే అది ఎలుక అని అర్థమైంది. వెంటనే ఇదంతా వీడియో తీశాడు. తనకు ఎదురైన చేదు అనుభవం తాలూకు వీడియోను సామ్ నెట్టింట పెట్టడంతో అది కాస్తా వైరల్‌గా మారింది. అలా సోషల్ మీడియాలో పోస్ట్ చేయడమే కాదు తనకు పార్శిల్ పంపించిన చైనీస్ రెస్టారెంట్‌కు ఫోన్ కూడా చేశాడు. కానీ రెస్టారెంట్ నుంచి సరైన సమాధానం రాలేదట.
Shocking Video: అమానవీయం.. రోడ్డుపై పడుకున్న వ్యక్తిపై నుంచి.. కావాలనే కారు పోనిచ్చిన వైనం..!
Updated Date - 2023-09-07T12:13:45+05:30 IST